முருங்கைக் கீரையின் மருத்துவப் பயன்கள்

முருங்கைக் கீரை பல்வேறு மருத்துவக் குணங்களைக் கொண்டது.

முருங்கை இலை துளிரையும் வேப்ப இலை துளிரையும் சேர்த்து அரைத்து சாப்பிட ஒற்றைத் தலைவலி நீங்கும்.

முருங்கைக் கீரை சாறுடன் தேன் கலந்து சாப்பிட சுகப் பிரசவம் உண்டு.

முருங்கைக் கீரையுடன் பூண்டு சேர்த்து உண்டு வர பால் சுரப்பு அதிகரிப்பதுடன் பலத்தைக் கொடுக்கும்.

முருங்கை இலைகளை நீக்கிவிட்டு, ஈர்க்கை மட்டும் எடுத்து மிளகு, சீரகம் சேர்த்து இடித்து ரசம் வைத்து சாப்பிட முதுகுவலி, உடல் வலி குணமாகும்.

வாரத்தில் இரு நாள்கள் முருங்கைக் கீரையையும், முருங்கைக்காயையும் சமையலில் சேர்த்துகொள்ள மாலைக்கண் நோய் குணமாகும்.

கர்ப்பக் காலத்தில் ஏற்படும் கால் வீக்கத்தை சரி செய்யும்.

பச்சைப்பயிருடன் முருங்கைப் பூ சேர்த்து கூட்டு செய்து சாப்பிட கண் எரிச்சல் குணமாகும்.

கீரையுடன் வாழைப்பழம் சேர்த்து சாப்பிட மலமிளக்கியாக இருப்பதோடு, வயிற்றுப்புண் குணமாகும்.

மகாலெஷ்மி சுப்பிரமணியன், காரைக்கால்.