பூண்டு சாதம்

தேவையான பொருள்கள்:

உதிரியாக வடித்த சாதம்- 2 கிண்ணம்

சின்ன வெங்காயம்- அரை கிண்ணம்

பூண்டு- 1 கிண்ணம்

இஞ்சி- 1 துண்டு

கறிவேப்பிலை- சிறிதளவு

வறுத்துப் பொடித்த மிளகுத் தூள்- 2 தேக்கரண்டி

சீரகத் தூள்- 1 தேக்கரண்டி

மஞ்சள் தூள்- கால் தேக்கரண்டி

கடுகு, சீரகம்- தலா அரை தேக்கரண்டி

நெய்- 2 மேசைக்கரண்டி

பச்சை மிளகாய்- 4

உப்பு- தேவையான அளவு

செய்முறை:

வெங்காயம், பூண்டு, இஞ்சி ஆகியவற்றின் தோலை நீக்கிவிட்டுப் பொடியாக நறுக்குங்கள். நெய்யில் கடுகு, சீரகம், மிளகாய், கறிவேப்பிலை ஆகியவற்றைத் தாளித்து வெங்காயம், இஞ்சி, பூண்டு ஆகியவற்றை ஒரு சிட்டிகை உப்பு சேர்த்து வதக்கி, மிளகுத்தூள், சீரகத்தூள் சேர்த்துக் கிளறி இறக்குங்கள். இந்த பூண்டுக் கலவையில் சாதத்தைச் சேர்த்து, தேவையான உப்பு தூவிக் கிளறுங்கள்.