கோதுமை இட்லி

தேவையான பொருள்கள்:

கோதுமை மாவு- 1 கிலோ

பச்சை மிளகாய்- 10

தயிர்- 500 கிராம்

இஞ்சி - ஒரு துண்டு

பெருங்காயம்- சிறிதளவு

கடுகு, கடலைப்பருப்பு - தாளிக்க

உப்பு - தேவைக்கு

செய்முறை:

கோதுமை மாவில் தேவையான உப்பு மற்றும் தயிர் சேர்த்து ஊற வைக்கவும். வாணலியை அடுப்பில் வைத்து தேவையான எண்ணெய் ஊற்றி, சூடானதும் கடுகு, கடலைப் பருப்பு, பெருங்காயம் போட்டு தாளித்து மாவில் கொட்டி கிளறவும். மேலும் பச்சை மிளகாய், இஞ்சி ஆகியவற்றைப் பொடியாக நறுக்கி மாவுடன் சேர்த்து இட்லி மாவு பதத்துக்குக் கரைத்துக்கொண்டு சுமார் ஒரு மணி நேரம் கழித்து இட்லித் தட்டில் ஊற்றி நன்கு வெந்ததும் எடுக்கவும்.