காகம்!

அதிகாலையில் கரையும் காகம்

  அலாரமாய் எழுப்பும் காகம்

பகல் முழுவதும் காணும் காகம்

 பொழுது சாய்ந்தால் மறையும் காகம்!

அண்டமெல்லாம் வாழும் காகம்

 அண்டார்டிகாவில் இல்லை காகம்

அகிலத்தைச் சுத்தம் செய்யும்

 "ஆகாயத் தோட்டி' என்பார்!

கூட்டமாய் வாழும் காகம்

 கூட்டில் முட்டையிடும் காகம்

அடைகாத்து காக்கும் காகம்

 அண்டவிடாது எவரையும் காகம்!

ஒரே துணையுடன் வாழும் காகம்

 இருபது ஆண்டுகள் ஆயுட்காலம்

விருந்தினர் வருகையைக் கூற

 வாசலில் கரையும் காகம்!