கடவுள் வடிவில் வள்ளல்

வள்ளல் என்ற பெருமை 
    வருவ தில்லை எல்லோர்க்கும்
அள்ளிக் கொடுத்த அழகர்
    அவர்போல ஒருவ ரில்லை
 
 செல்வம் தேடிக் குவித்தார்  - அதை
    எல்லோருக்கும் கொடுத்தார்
கல்வி என்னும் கண் திறக்கக்
    கோயில் ஒன்று  எடுத்தார்         (வள்ளல்)
 
சாதி பேதம்  ஒழித்தார் -  மதச்
    சண்டைகளை மறுத்தார்
நீதியொன்றே எவர்க்கும் என்ற
    நிலையை அவரும் வகுத்தார்     (வள்ளல்)
 சங்க மன்னர் போல - தனி
    அரசு ஒன்றை அமைத்தார்
எங்கும் வறுமை தீர்க்கச்
    சமத்துவத்தைச் சமைத்தார்         (வள்ளல்)
 
பெண்கள் கல்வி பெறவே - அவர்
    பெரிய கனவு கண்டார்
கண்கள் போல அவரைக்
    காக்க வேண்டும் என்றார்            (வள்ளல்)
 
கடவுள் என்று சொல்வார் - கண்ணில்
    கண்டதில்லை நாமும்
கடவுள் வடிவில் வள்ளல்
    போற்றித் தொழுவோம் நாளும்!