மகாகவியின் மகாகவிதை!

மகாகவி பாரதி மறைந்த பிறகு காந்தியடிகள் நடத்திய "யங் இந்தியா' பத்திரிகையில், பாரதியின் 18 கவிதைகளை ஆங்கிலத்தில் மூதறிஞர் ராஜாஜி மொழிபெயர்த்து வெளியிட்டார். அவற்றுள் பெரும்பாலானவை தேசபக்திப் பாடல்கள். அந்தப் பாடல்களை கவனமாகப் படித்த மகாத்மா காந்தி 17.3.1929-இல் தமது "நவஜீவன்' இதழில் ஓர் அதி அற்புதமான பாராட்டை (பாரதிக்கு) வழங்கினார். "மகாகவியின் மகாகவிதை' எனும் தலைப்பில் உள்ள பலரும் அறியாத அப் பாராட்டுரை பின்வருமாறு:
 "எனக்கு சுப்பிரமணிய பாரதி போன்றோரின் எழுத்துக்களே உண்மையான ஒளிவீசும் கவிதையாகத் திகழ்கிறது. மக்களைத் தட்டி எழுப்பி, விழிப்பூட்டி அவர்களின் வாழ்க்கைக்குப் புதிய ஒளி ஊட்டும் சக்தி அத்தகு எழுத்துக்களுக்கே உள்ளது'' (நவஜீவன்-17.3.1929).
 -எதிரொலி விசுவநாதன்