இஸ்ரேல் தாக்குதலில் காஸாவில் உயிரிழப்பு 7,000 -யைத் தாண்டியுள்ளது.
ஹமாஸ் படையினர் எல்லைத் தாண்டி இஸ்ரேல் மீது கடந்த அக். 7-ல் தாக்குதல் நடத்தியதைத் தொடர்ந்து, இரு தரப்புக்கும் இடையே போர் தீவிரமடைந்து வருகிறது.
ஹமாஸின் கட்டுப்பாட்டில் உள்ள காஸா மீது தீவிர வான்வழித் தாக்குதல் மேற்கொண்டு வருகிறது இஸ்ரேல். இதனால் காஸா நகரம் முழுவதும் உருகுலைந்துள்ளது.
இஸ்ரேலின் தீவிர வான்வழித் தாக்குதலில் காஸாவில் உயிரிழந்தவா்களின் எண்ணிக்கை 7,000-யைக் கடந்துள்ளதாக ஹமாஸ் தரப்பு கூறியுள்ளது.
இதையும் படிக்க | லியோ வசூல்: தமிழ் சினிமா வரலாற்றில் புதிய சாதனை!
இஸ்ரேல் தாக்குதலில் 7,028 பேர் உயிரிழந்துள்ளதாகவும் இதில் 2,900 பேர் சிறுவர்கள் என்றும் கூறியுள்ள ஹமாஸ் 6,743 பேரின் பெயரை வெளியிட்டுள்ளது. இன்னும் 281 பேரின் உடலை அடையாளம் காணும் பணி நடைபெற்று வருகிறது.
அதேநேரத்தில் இஸ்ரேல் தரப்பில் 1,400 பேர் உயிரிழந்துள்ளதாக தகவல் தெரிவிக்கப்பட்டுள்ளது.