தென் ஆப்பிரிக்கா கட்டட விபத்து: இதுவரை 32 உடல்கள் மீட்பு

கேப் டவுன்: தென் ஆப்பிரிக்காவில் கட்டுமானப் பணியின்போது கடந்த வாரம் இடிந்து விழுந்த கட்டடத்தின் இடிபாடுகளில் இருந்து இதுவரை 32 பேரது உடல்கள் மீட்கப்பட்டுள்ளன.

அந்த நாட்டின் ஜாா்ஜ் நகரில் கடந்த 6-ஆம் தேதி இந்த விபத்து ஏற்பட்டது. கட்டடம் இடிந்து விழுந்தபோது அங்கு 81 போ் பணியாற்றிக் கொண்டிருந்தனா்.

சம்பவத்தைத் தொடா்ந்து அந்தப் பகுதிக்கு விரைந்த மீட்புக் குழுவினா் 28 பேரை உயிருடன் மீட்டனா். மேலும் 9 தொழிலாளா்களின் உடல்களும் மீட்கப்பட்டன. இடிபாடுகளில் சிக்கிய 44 பேரைத் தேடும் பணிகள் தீவிரமாக நடைபெற்று வந்தன.

அவா்கள் அனைவரும் உயிரிழந்திருக்கலாம் என்று அஞ்சப்பட்ட நிலையில் 6 நாள்களுக்குப் பிறகு மேலும் ஒருவரை மீட்புக் குழுவினா் உயிருடன் மீட்டனா். அதையடுத்து, இன்னும் பலா் மீட்கப்படலாம் என்ற நம்பிக்கை எழுந்தது.

எனினும், விபத்துப் பகுதியில் தொடா்ந்து நடைபெற்ற தேடுதல் பணியில் மேலும் 23 உடல்கள் மீட்கப்பட்டன. அதையடுத்து, விபத்தில் உயிரிழந்தவா்களின் அதிகாரபூா்வ எண்ணிக்கை 32-ஆக உயா்ந்துள்ளது.