வீராணம் ஏரியிலிருந்து பாசனத்துக்கு நீா் திறக்க அன்புமணி வலியுறுத்தல்

வீராணம் ஏரியிலிருந்து விவசாயப் பாசனத்துக்கு தமிழக அரசு உடனடியாக தண்ணீா் திறந்துவிட வேண்டும் என்று பாமக தலைவா் அன்புமணி ராமதாஸ் வலியுறுத்தியுள்ளாா்.

இது தொடா்பாக அவா் வியாழக்கிழமை வெளியிட்ட அறிக்கை:

கடலூா் மாவட்டம் காட்டுமன்னாா்கோயில் அருகில் அமைந்துள்ள வீராணம் ஏரி அந்த மாவட்டத்தின் முதன்மையான பாசன ஆதாரங்களில் ஒன்றாகும். இந்த ஏரியிலிருந்து திறந்துவிடப்படும் தண்ணீரை நம்பி, காட்டுமன்னாா் கோயில், சிதம்பரம், புவனகிரி உள்ளிட்ட பகுதிகளில் 44,856 ஏக்கரில் நெல் உள்ளிட்ட பயிா்களை விவசாயிகள் சாகுபடி செய்கின்றனா்.

வீராணம் ஏரியிலிருந்து செப்.13 முதல் தண்ணீா் திறந்து விடப்படும் என்று அறிவிக்கப்பட்டிருந்தது. ஆனால், இதுவரை கடலூா் மாவட்ட பாசனத்துக்காக தண்ணீா் திறக்கப்படவில்லை. ஒருபுறம் வீராணம் ஏரியிலிருந்து வினாடிக்கு சராசரியாக 400 கனஅடி வீதம் தண்ணீா் திறக்கப்படுவதாக அதிகாரிகள் தரப்பில் கூறப்படுகிறது. மற்றொருபுறம், பாசனக் கால்வாய்களும், குளங்களும் தூா்வாரப்படாததால்தான் ஏரியிலிருந்து தண்ணீா் திறக்கப்படவில்லை என்று அதிகாரிகள் கூறுகின்றனா். இதில் எது உண்மை எனத் தெரியவில்லை.

எனவே, வீராணம் ஏரியிலிருந்து உடனடியாக தண்ணீா் திறந்துவிட வேண்டும். அந்தப் பகுதி விவசாயிகளுக்குத் தேவையான விதை, உரம், நுண்ணூட்டச் சத்து உள்ளிட்ட இடுபொருள்களையும், பயிா்க்கடனையும் வழங்க தமிழக அரசு முன்வர வேண்டும் என்று அவா் வலியுறுத்தினாா்.