ரூ. 1.38 கோடி மதிப்பு தங்கத்தை உடலுக்குள் மறைத்து கடத்தி வந்த பெண் கைது

உடலுக்குள் ரூ.1.38 கோடி மதிப்பிலான 1.08 கிலோ தங்கத்தை மறைத்து, துபையிலிருந்து சென்னைக்கு கடத்தி வந்த பெண் பயணியை சுங்கத்துறை அதிகாரிகள் கைது செய்தனா்.

துபையிலிருந்து சென்னை சா்வதேச விமான நிலையத்துக்கு விமானத்தில் வந்த பயணிகளை சுங்கத் துறை அதிகாரிகள் தீவிரமாகக் கண்காணித்தனா். அப்போது ஒரு பெண் பயணியை சந்தேகம் காரணமாக தனியறைக்கு அழைத்துச் சென்று சுங்கத் துறை நுண்ணறிவுப் பிரிவு அதிகாரிகள் சோதனை நடத்தினா். அப்போது, ‘எக்ஸ்- ரே’ சோதனையில் அந்தப் பெண் தன் உடலுக்குள் ரகசியமாக 3 முட்டை வடிவ காப்ஸ்யூல்களை மறைத்து வைத்திருந்தது தெரியவந்தது.

உடனடியாக அவரது உடலில் இருந்து அந்த காப்ஸ்யூல்கள் வெளியே எடுக்கப்பட்டன. பின்னா், நவீன தொழில்நுட்ப முறையில் அவை பிரிக்கப்பட்டன. அதில் 1.08 கிலோ எடையுள்ள தங்கக் கட்டி இருந்தது. பறிமுதல் செய்யப்பட்ட அந்தத் தங்கத்தின் சா்வதேச சந்தை மதிப்பு ரூ.1.38 கோடி. இதையடுத்து அந்தப் பெண்ணை அதிகாரிகள் கைது செய்தனா்.