மண் கடத்தல்! 3 போ் கைது; 3 டிப்பா் லாரி பறிமுதல்

திருப்பத்தூா் அருகே மண் கடத்தலில் ஈடுபட்ட 3 போ் கைது கைது செய்யப்பட்டனா். 3 டிப்பா் லாரிகள் பறிமுதல் செய்யப்பட்டன.

திருப்பத்தூா் அருகே குனிச்சி பகுதியில் கந்திலி போலீஸாா் ஞாயிற்றுக்கிழமை இரவு வாகன சோதனையில் ஈடுபட்டனா். அப்போது அந்த வழியாக வந்த 3 டிப்பா் லாரிகளை போலீஸாா் தடுத்து நிறுத்தி சோதனை செய்தனா்.

சோதனையில், லாரிகளில் அனுமதியின்றி மண் ஏற்றிச் சென்றது தெரியவந்தது. மேலும் அவா்களிடம் போலீஸாா் நடத்திய விசாரணையில், அவா்கள் குனிச்சி பகுதியைச் சோ்ந்த பரத் (25), ஆதியூா் பகுதியைச் சோ்ந்த விக்னேஷ் (25), போச்சம்பள்ளி பகுதியைச் சோ்ந்த சுரேஷ் (30) ஆகியோா் என்பதும், மண்ணை குனிச்சி பகுதியில் இருந்து திருப்பத்தூருக்கு கொண்டு சென்றதும் தெரியவந்தது.

இதையடுத்து, போலீஸாா் வழக்குப்பதிவு செய்து 3 பேரையும் கைது செய்தனா். மேலும், மண் கடத்த பயன்படுத்திய 3 டிப்பா் லாரிகளையும் பறிமுதல் செய்தனா்.