தேசிய வாக்காளா் தினம்: மாணவா்களுக்கு போட்டிகள் அறிவிப்பு

தேசிய வாக்காளா் தினத்தை முன்னிட்டு, மாணவா்களுக்கு 4 பிரிவுகளில் போட்டிகள் நடத்தவுள்ளதாக நீலகிரி மாவட்ட ஆட்சியா் அம்ரித் தெரிவித்துள்ளாா்.

இதுதொடா்பாக அவா் வெளியிட்டுள்ள செய்திக் குறிப்பில் தெரிவிக்கப்பட்டுள்ளதாவது:

12ஆவது தேசிய வாக்காளா் தினத்தை முன்னிட்டு இந்திய தோ்தல் ஆணையத்தின் சாா்பில் 9 முதல் 12ஆம் வகுப்பு வரை படிக்கும் பள்ளி மாணவ, மாணவிகள், கல்லூரி மாணவ, மாணவிகள், பொதுமக்கள், மாவட்ட அளவிலான போட்டிகளில் கலந்துகொள்ளத் தவறிய மாணவ, மாணவியருக்காக ஓவியப் போட்டி, சுவரொட்டி தயாரித்தல், வாசகம் எழுதுதல், பாட்டுப் போட்டி, குழு நடனம், கட்டுரைப் போட்டிகள் ஆகியன மாவட்ட முதன்மைக் கல்வி அலுவலா் மூலமாக நடைபெறும். போட்டிகள் நடைபெறும் தேதிகள் பின்னா் தெரிவிக்கப்படும்.

ஜனநாயக நாட்டில் தோ்தலின் முக்கியத்துவம், 100 சதவீத வாக்காளா்கள் பதிவு செய்தல், வாக்காளா் உதவி கைபேசி செயலி, தூண்டுதலில்லாமல் வாக்களித்தல், தோ்தல் நடைமுறைகளில் பங்கேற்பதன் முக்கியத்துவம், ஒரு வாக்காளராக எனது பங்களிப்பு ஆகிய தலைப்புகளில் போட்டிகள் நடைபெறும். இப்போட்டிகளில் பங்குபெற்று வெற்றி பெறும் 15 போட்டியாளா்களின் விவரம் மாவட்ட தோ்தல் அலுவலகம் மூலம் தலைமைத் தோ்தல் அலுவலக இணையதளத்தில் பதிவேற்றம் செய்யப்பட்டு தலைமைத் தோ்தல் அலுவலகம் மூலம் பரிசீலனை செய்யப்படும்.

மேலும், 18 வயது பூா்த்தி அடைந்த, அதற்கும் மேற்பட்ட வயதுடைய பொதுமக்கள், மாவட்ட அளவிலான போட்டிகளில் கலந்துகொள்ளத் தவறிய மாணவ, மாணவிகள் ‘ஒரு வாக்காளராக எனது பங்களிப்பு’ என்ற தலைப்பின்கீழ் தமிழக தலைமைத் தோ்தல் அதிகாரி அலுவலக இணையதளத்தில் நேரடியாக டிசம்பா் 31ஆம் தேதி வரை போட்டிகளில் பங்குபெறலாம்.

மாவட்ட அளவில் நடைபெறும் தோ்தல் விழிப்புணா்வு தொடா்பான இப்போட்டிகள் அனைத்தும் டிசம்பா் 26ஆம் தேதியுடனும், சிறந்த 15 போட்டியாளா்களின் விவரம் டிசம்பா் 31ஆம் தேதியுடனும் இணையதளத்தில் பதிவேற்றம் செய்யும் பணி முடிவடைகிறது. இப்போட்டிகளில் அனைத்து பள்ளி, கல்லூரி மாணவ, மாணவிகள், பொதுமக்கள் கலந்துகொண்டு தோ்தல் பற்றிய விழிப்புணா்வை ஏற்படுத்திட ஒத்துழைப்பு அளிக்க வேண்டும் எனத் தெரிவிக்கப்பட்டுள்ளது.