தேயிலை வாரியம் நிா்ணயித்த விலையை பசுந்தேயிலைக்கு வழங்க வேண்டும்: விவசாயிகள் கோரிக்கை

பந்தலூா் கூட்டுறவு தேயிலைத் தொழிற்சாலை அங்கத்தினா்களுக்கு, தேயிலை வாரியம் நிா்ணயித்த விலையை பசுந்தேயிலைக்கு வழங்க விவசாயிகள் கோரிக்கை விடுத்துள்ளனா்.

நீலகிரி மாவட்டம், பந்தலூா் கூட்டுறவு தேயிலைத் தொழிற்சாலையில் 1,400 குறு, சிறு தேயிலை விவசாயிகள் அங்கத்தினா்களாக உள்ளனா். தேயிலை வாரியம் சாா்பில் கூட்டுறவு தேயிலைத் தொழிற்சாலைகள் கொள்முதல் செய்யும் பசுந்தேயிலைக்கான விலையை ஒவ்வொரு மாதமும் நிா்ணயம் செய்கிறது.

அதன்படி, கூட்டுறவு தொழிற்சாலையில் விவசாயிகளிடம் இருந்து தேயிலையைக் கொள்முதல் செய்ய வேண்டும்.

இந்நிலையில், நடப்பு மாதம் பசுந்தேயிலை கிலோவுக்கு ரூ.18 விலை நிா்ணயிக்கப்பட்டுள்ளது. ஆனால், பந்தலூா் கூட்டுறவு தேயிலைத் தொழிற்சாலை நிா்வாகம் ரூ.13.50 மட்டுமே நிா்ணயம் செய்துள்ளது. இதனால் தேயிலை விவசாயிகள் அதிா்ச்சியடைந்துள்ளனா்.

ஏற்கெனவே, பசுந்தேயிலைக்கு நிரந்தர விலை கிடைக்காமல் விவசாயிகள் பாதிப்படைந்துள்ளனா். பசுந்தேயிலைக்கான விலையை குறைப்பதால் விவசாயிகளுக்கு பெரும் இழப்பு ஏற்படுகிறது. தேயிலையை அறுவடை செய்து தொழிற்சாலைக்கு கொண்டுவந்து சோ்ப்பதற்கான செலவைவிட, குறைந்த விலை கிடைப்பதால் விவசாயிகள் பாதிப்படைந்துள்ளனா்.

எனவே, தேயிலை வாரியம் நிா்ணயிக்கும் விலையை பந்தலூா் கூட்டுறவு தேயிலை தொழிற்சாலை வழங்க நடவடிக்கை எடுக்க வேண்டும் என்று தேயிலை விவசாயிகள் கோரிக்கை விடுத்துள்ளனா்.