ரூ.20.69 லட்சத்துக்கு தேங்காய் பருப்பு விற்பனை

வெள்ளக்கோவில் ஒழுங்கு முறை விற்பனைக் கூடத்தில் ரூ.20.69 லட்சத்துக்கு தேங்காய் பருப்பு ஏல விற்பனை புதன்கிழமை நடைபெற்றது. 
 இந்த வார ஏலத்துக்கு திருச்சி, கரூர், திருப்பூர் மாவட்டங்களைச் சேர்ந்த 60 விவசாயிகள்,  490 மூட்டைகளில் 24,630 கிலோ  தேங்காய் பருப்புகளை விற்பனைக்குக் கொண்டு வந்திருந்தனர். தேங்காய் பருப்பு கிலோ ரூ.52.65 முதல் ரூ.101.05 வரை விற்பனையானது. மொத்தம் ரூ. 20 லட்சத்து 68 ஆயிரத்து 884-க்கு விற்பனை நடைபெற்றது. 
 விற்பனைக் கூட கண்காணிப்பாளர் ரா.மாரியப்பன் முன்னிலையில்  விற்பனைத் தொகை விவசாயிகளின் வங்கிக் கணக்குகளில் செலுத்தப்பட்டது. ஏலத்தில் ஈரோடு, முத்தூர், காங்கயத்திலிருந்து 7 வியாபாரிகள் பங்கேற்றனர்.