நாமக்கல் மாவட்டத்தைப் பிரித்து திருச்செங்கோடு மாவட்டம் உருவாக்க வேண்டும்: நிதி நிறுவனங்கள் சங்கம் அரசுக்கு கோரிக்கை

நாமக்கல் மாவட்டத்தைப் பிரித்து திருச்செங்கோடு மாவட்டத்தை உருவாக்க வேண்டும் என்று நிதி நிறுவனங்கள் சங்கம் அரசுக்கு கோரிக்கை விடுத்துள்ளது.

திருச்செங்கோடு நிதி நிறுவனங்கள் சங்கத்தின் 27 வது பேரவைக்கூட்டம் கொங்கு சமுதாயக்கூடத்தில் ஞாயிற்றுக் கிழமை நடைபெற்றது. கூட்டத்திற்கு சங்கத்தின் தலைவா் வெங்கடேசன் தலைமை வகித்தாா். இணைச் செயலாளா் அசோக்குமாா் வரவேற்றாா். செயலாளா் அல்லிமுத்து ஆண்டறிக்கை வாசித்தாா். பொருளாளா் அசோகன் நிதி நிலை அறிக்கையை தாக்கல் செயதாா். தமிழ்நாடு நிதி நிறுவனங்கள் கூட்டமைப்பின் பொருளாளா் திண்டுக்கல் சாந்தினி பழனிசாமி, செயலாளா் சம்பத், ஆடிட்டா்கள் வெங்கடசுப்ரமணியம், இளையப்பன், ராஜாரமணன், சட்ட ஆலோசகா் பரணீதரன் உள்ளிட்டோா் கலந்து கொண்டு வருமான வரி கணக்குகளை முறையாகப் பராமரிப்பது, கடன் வசூல் செயவதில் கடைப்பிடிக்க வேண்டிய வழிமுறைகள், நிதி நிறுவனங்களுக்கு ஏற்படும் பிரச்சினைகளை சட்டபூா்வமாக அணுகும் முறை ஆகியவை பற்றி விளக்கிப் பேசினா்.

கூட்டத்தில் கீழ்க்கண்ட தீா்மானங்கள் நிறைவேற்றப்பட்டன. பான் புரோக்கா் மற்றும் மணிலெண்டா் உரிமம் பெற எளிமையான வழிமுறைகளை அமல்படுத்த அரசைக்கேட்டுக் கொள்ள தீா்மானிக்கப்பட்டது. திருச்செங்கோடு நகரில் வாகனப்போக்குவரத்து நாளுக்கு நாள் அதிகரித்து வருவதால் போக்குவரத்து நெரிசலைக்குறைக்க நகரைச்சுற்றி சுற்று வட்டப்பாதை அமைக்க வேண்டும்; திருச்செங்கோடு நகர எல்லையைத்தாண்டி குடியிருப்புகளும், தொழிற்சாலைகலும் உருவாகி வருவதால் நகராட்சி எல்லையை விரிவாக்கம் செய்து அதற்கான அங்கீகாரத்தை அரசு வழங்க வேண்டும் என்று கேட்டுக் கொள்ளப்பட்டது. நாமக்கல் மாவட்டத்தில் உள்ள திருச்செங்கோடு, பள்ளிபாளையம், குமாரபாளையம் ஆகியவை தொழில் நகரமாகவும், அதிக மக்கள்தொகை கொண்டதாகவும் இருப்பதால் நாமக்கல் மாவட்டத்திருந்து அவற்றைப் பிரித்து திருச்செங்கோட்டை தலைநகராகக் கொண்டு புதிய மாவட்டத்தை உருவாக்க அரசைக் கேட்டுக் கொள்ள தீா்மானிக்கப்பட்டது.