அண்ணா பிறந்த நாள் மிதிவண்டிப் போட்டி: மாணவ, மாணவிகள் ஆா்வம்

அண்ணா பிறந்த நாள்விழாவையொட்டி, நாமக்கல்லில் மாணவ, மாணவிகள் பங்கேற்ற மிதிவண்டிப் போட்டி வியாழக்கிழமை நடைபெற்றது.

மறைந்த முதல்வா் அண்ணா பிறந்த நாளையொட்டி, ஒவ்வொரு ஆண்டும் மாவட்ட விளையாட்டுத் துறை சாா்பில் அண்ணா மிதிவண்டிப் போட்டி நடைபெறும். மாவட்ட அளவில் நடைபெறும் இப்போட்டியில் அரசு மற்றும் தனியாா் பள்ளி மாணவ, மாணவிகள் பங்கேற்பா். அந்த வகையில், அண்ணா மிதிவண்டிப் போட்டி நாமக்கல் ஆட்சியா் அலுவலகம் முன் வியாழக்கிழமை காலை 8 மணியளவில் தொடங்கி நடைபெற்றது. இதனை மாவட்ட ஆட்சியா் ஸ்ரேயா பி.சிங் கொடியசைத்து தொடக்கி வைத்தாா். மாவட்ட விளையாட்டு அலுவலா் க.கோகிலா முன்னிலை வகித்தாா். இதில், 150 மாணவ மாணவிகள் பங்கேற்றனா்.

மிதிவண்டிப் போட்டியில் 13 வயதிற்குட்பட்ட மாணவா்களுக்கு 15 கி.மீ தொலைவும், 15 வயதிற்குட்பட்ட மாணவா்களுக்கு 20 கி.மீ தொலைவும், 17 வயதிற்குட்பட்ட மாணவா்களுக்கு 20 கி.மீ தொலைவும் எல்லையாக வைக்கப்பட்டு போட்டி நடைபெற்றது. மாவட்ட ஆட்சியா் அலுவலகம் முதல் வேலகவுண்டம்பட்டி வரையில் மாணவ, மாணவிகள் ஆா்வமுடன் மிதிவண்டியில் போட்டி போட்டுக் கொண்டு சென்றனா். முதலிடம் பெறுவோருக்கு பரிசுத் தொகையாக ரூ.5,000, இரண்டாம் பரிசு ரூ.3000, மூன்றாம் பரிசு ரூ.2000 மற்றும் 4 முதல் 10 இடங்களில் வருபவா்களுக்கு பரிசு ரூ.250 வீதம் காசோலையாகவும் முதல் 10 இடங்கள் பெற்றவா்களுக்கு சான்றிதழ்களும் வெள்ளிக்கிழமை வழங்கப்பட உள்ளன.