வாக்குப்பதிவு இயந்திரங்களில் மாதிரி வாக்குகளை செலுத்தி ஆட்சியா் ஆய்வு

மின்னணு வாக்குப்பதிவு இயந்திரங்களின் முதல்நிலை சரிபாா்ப்பு பணிகள் நிறைவடைந்ததையடுத்து வியாழக்கிழமை மாதிரி வாக்குகளை செலுத்தி இயந்திரத்தின் செயல்பாடுகளை ஆட்சியா் துா்காமூா்த்தி ஆய்வு செய்தாா்.

தமிழக சட்டப் பேரவைத் தோ்தல் ஏப்ரல், மே மாதங்களில் நடைபெற உள்ளன. இதற்கான ஆயத்த பணிகளை தோ்தல் ஆணையம் மேற்கொண்டு வருகிறது. அதன் ஒருபகுதியாக மின்னணு வாக்குப்பதிவு இயந்திரங்களின் முதல்நிலை சரிபாா்ப்பு பணி நடைபெற்றது. நாமக்கல் மாவட்டத்தில் கடந்த டிச. 11இல் வாக்குப்பதிவு இயந்திரங்கள் சரிபாா்ப்பு பணி தொடங்கப்பட்டது.

2,433 கட்டுப்பாட்டு இயந்திரங்கள், 5,779 வாக்குப்பதிவு இயந்திரங்கள் மற்றும் 2,590 வாக்குப்பதிவை சரிபாா்க்கும் கருவிகள் என மொத்தம் 10,802 மின்னணு வாக்குப்பதிவு இயந்திரங்கள், பெங்களூரு பாரத் எலக்ட்ரானிக்ஸ் நிறுவனத்தின் பொறியாளா்கள் மூலம் மேற்கொள்ளப்பட்டது. கடந்த 27 நாள்கள் நடைபெற்ற இந்த முதல்நிலை சரிபாா்ப்பு பணியானது வியாழக்கிழமை நிறைவடைந்தது.

இதையடுத்து அங்கீகரிக்கப்பட்ட அரசியல் கட்சியினா் முன்னிலையில் மாவட்ட ஆட்சியா் துா்காமூா்த்தி, அந்த வாக்குப்பதிவு இயந்திரங்களில் மாதிரி வாக்குப்பதிவை செலுத்தி பாா்வையிட்டாா். அனைத்து வாக்கு இயந்திரங்களிலும் சரியான முறையில் வாக்குகள் பதிவாகிா என்பதை ஆட்சியரும், அதிகாரிகளும் ஆய்வு செய்தனா். இந்த நிகழ்வின்போது வருவாய்த் துறை, தோ்தல் பிரிவு அதிகாரிகள் உடனிருந்தனா்.

என்கே-8-வோட்

நாமக்கல் ஆட்சியா் அலுவலகத்தில், மின்னணு வாக்குப்பதிவு இயந்திரங்களில் மாதிரி வாக்குகளை செலுத்தி ஆய்வு செய்த ஆட்சியா் துா்காமூா்த்தி.