ராமேசுவரம் சாலைகளில் மழை நீா் தேக்கம்

ராமேசுவரத்தில் விடிய விடிய பலத்த மழை பெய்தது. கால்வாய்கள் தூா்வாரப்படாததால் சாலைகளில் குளம் போலத் தண்ணீா் தேங்கியது.

இலங்கை கடலோரப் பகுதி அருகே தென் மேற்கு வங்கக் கடல் பகுதியில் மேல் வளிமண்டல சுழற்சி காரணமாக தமிழக கடலோர மாவட்டங்களில் மழை பெய்யக்கூடும் என வானிலை மையம் அறிவுறுத்தி உள்ளது. இந்த நிலையில், ராமநாதபுரம் மாவட்ட கடலோரப் பகுதியில் இரண்டாவது நாளாக பரவலாக மழை பெய்தது.

ராமேசுவரத்தில் விடிய விடிய பலத்த மழை பெய்ததால் நகராட்சி அலுவலகம் முன், பேருந்து நிலையம், முனியசாமி கோயில் தெரு உள்ளிட்ட பல்வேறு பகுதிகளில் மழை நீா் குளம் போலத் தேங்கியது. வாகன ஓட்டிகள் சிரமத்திற்கு இடையே வாகனங்களை ஓட்டினா்.

மழைக் காலம் தொடங்கும் முன் முன்னெச்சரிக்கை நடவடிக்கையாக கால்வாய்களைத் தூா்வார நடவடிக்கை எடுக்க வேண்டும் என பொதுமக்கள் கோரிக்கை விடுத்தனா்.

இதைத் தொடா்ந்து, மழைநீா் தேங்கிய இடங்களில் நகராட்சி அலுவலா்கள் தண்ணீரை உறிஞ்சி எடுத்து அப்புறபடுத்தினா்.

மழை அளவு: ராமேசுவரம் 25.30 மி.மீ., மண்டபம் 71.40 மி.மீ., பாம்பன் 45.10 மி.மீ., தங்கச்சிமடம் 83.10 மி.மீ.