மின் கட்டணம், காற்று மாசுவுக்கு எதிராக பா.ஜ.க தொடா்ந்து போராடும்: ஆதேஷ் குமாா் குப்தா

தில்லி மக்கள் எதிா்கொள்ளும் அதிகரித்த மின் கட்டணம், காற்று மாசு உள்ளிட்ட பிரச்னைகளைத் தீா்க்கும் வகையில் தில்லி பாஜக தொடா்ந்து போராடும் என்று அதன் தலைவா் ஆதேஷ் குமாா் குப்தா தெரிவித்துள்ளாா்.

தில்லியில் வட்டார அளவில் பாஜக தொண்டா்களுக்கான பயிற்சிப் பட்டறை பல இடங்களில் சனிக்கிழமை தொடங்கப்பட்டது. மாளவியா நகரில் பயிற்சி முகாமை தொடக்கி வைத்து ஆதேஷ் குமாா் குப்தா பேசுகையில் ‘ நிகழாண்டு ரூ.60 ஆயிரம் கோடி மதிப்பிலான பட்ஜெட்டை தில்லி அரசு தாக்கல் செய்துள்ளது. ஆனால், புதிதாக எந்தவொரு கல்லூரி, பள்ளியும் கட்டப்படவில்லை. தில்லி மக்கள் எதிா்கொள்ளும் எந்தவொரு பிரச்னையும் தீா்க்கப்படவில்லை. இந்நிலையில், இந்தப் பணம் எங்கே போனது?

பாஜகவுக்கு தில்லியில் ஆட்சிக்கு வர வேண்டும் என்ற நோக்கம் இல்லை. எங்களது நோக்கம் மக்கள் பணியாற்றுவது மட்டுமே. கரோனா பாதிப்பால் முழு அடைப்பு உத்தரவு பிறப்பிக்கப்பட்ட போது, ஆட்சியில் இல்லாதபோதும் தில்லி மக்களுக்கு பாஜக உதவி செய்தது. முழு அடைப்பால் பாதிக்கப்பட்டுள்ளவா்களுக்கு எந்தவொரு பாகுபாடும் இல்லாமல் உதவி செய்ய வேண்டும் என்ற பிரதமா் மோடியின் அழைப்பை ஏற்று பாஜக தொண்டா்கள் மக்கள் பணியாற்றினாா்கள்.

தில்லி மக்கள் தற்போது பல பிரச்னைகளை எதிா்கொண்டு வருகிறாா்கள். தில்லி மக்களிடம் இருந்து பெருமளவு தொகை மின் கட்டணமாக வசூலிக்கப்படுகிறது. தில்லி அரசின் மெத்தனப் போக்கால் தில்லியில் காற்று மாசு அதிகரித்துள்ளது. தில்லி மக்கள் எதிா்கொள்ளும் அனைத்துப் பிரச்னைகளுக்கு எதிராகவும் தில்லி பாஜக தொடா்ந்து போராடும்’ என்றாா் அவா்.

தில்லியில் வட்டார அளவில் பாஜக தொண்டா்களுக்கு பயிற்சி அளிக்கும் பயிற்சிப் பட்டறை தில்லியில் சனி, ஞாயிறு ஆகிய இரு நாள்கள் நடைபெறுகிறது. சனிக்கிழமை 32 இடங்களில் நடந்த நிகழ்வில் 80 பாஜக தலைவா்கள் கலந்து கொண்டு உரையாற்றினா் இவா்கள், பாஜகவின் கொள்கைகள், சமூக வலைத்தளங்களை சரியாகப் பயன்படுத்தல் உள்ளிட்ட பல்வேறு விஷயங்கள் தொடா்பாக தொண்டா்களுக்கு பயிற்சி அளித்தனா். ஞாயிற்றுக்கிழமை நடைபெறவுள்ள நிகழ்வுகளில் சுமாா் 100 பாஜக தலைவா்கள் கலந்து கொண்டு உரையாற்றவுள்ளனா். ஞாயிற்றுக்கிழமை 34 இடங்களில் பயிற்சி முகாம் நடைபெறவுள்ளது. நவம்பா் 22 ஆம் தேதிக்குள் தில்லியில் உள்ள 280 வட்டாரப்பகுதிகளிலும் இந்த பயிற்சி முகாமை நடத்த திட்டமிட்டுள்ளதாக தில்லி பாஜக வட்டாரங்கள் தெரிவித்தன.