கேஜரிவால் முதல்வா் இல்லத்தில் தங்கியுள்ளது ஏன்? தில்லி காங்கிரஸ் தலைவா் தேவேந்தா் யாதவ் கேள்வி

தில்லி முதல்வா் பதவியை ராஜிநாமா செய்த கேஜரிவால் அதிகாரப்பூா்வ இல்லத்தில் ஏன் தங்கியிருக்கிறாா் என்று தில்லி பிரதேச காங்கிரஸ் கமிட்டித் தலைவா் தேவேந்தா் யாதவ் சனிக்கிழமை கேள்வி எழுப்பியுள்ளாா்.

இது தொடா்பாக அவா் வெளியிட்டுள்ள அறிக்கையில் கூறியிருப்பதாவது: கலால் கொள்கை முறைகேடு வழக்கில் கடுமையான நிபந்தனைகளுடன் கேஜரிவாலுக்கு உச்சநீதிமன்றம் ஜாமீன் வழங்கியுள்ளது. இதைத் தொடா்ந்து,

முதல்வா் பதவியை அவா் ராஜினாமா செய்தாா். இந்நிலையில், சிவில் லைன்ஸில் உள்ள அதிகாரப்பூா்வ இல்லத்திலிருந்து வெளியேறி, புதிய முதல்வரை வாழவிடாமல் கேஜரிவால் தடுத்து நிறுத்துகிறாா். கேஜரிவால் முதல்வா் இல்லத்தில் தங்கியிருந்தபோது, தனது தொகுதி மக்கள் மீது எந்த அக்கறையும் காட்டவில்லை. ஆனால், இப்போது கேஜரிவால் தனது தொகுதியான புது தில்லியைப் பற்றி கவலைப்படுவதும், அதனுடன் நெருக்கமாக இருக்க விரும்புவதும் விசித்திரமானது.

ஆடம்பரமான முதல்வா் இல்லத்தில் இருந்து வெளியேற கேஜரிவால் தாமதப்படுத்துகிறாா். மேலும், பொதுமக்களின் அனுதாபத்தைப் பெறுவதற்காக ஒவ்வொரு விஷயத்திலும் நாடகத்தை அவா் உருவாக்குகிறாா். 5 மாதங்களுக்கும் மேலாக சிறையில் இருந்த பின்னா், கலால் கொள்கை ஊழல் கறையை துடைப்பது கேஜரிவாலுக்கு எளிதல்ல.

தில்லி மக்களின் கண்களிலும், மனதிலும் உள்ள அவரது ஊழல் பிம்பத்தை துடைக்க முடியாது.

கேஜரிவாலின் புது தில்லி தொகுதியில் உள்ள ஆடம்பரமான ஜோா் பாக் மற்றும் சாணக்யாபுரி உள்பட தலைநகா் முழுவதிலுமிருந்து கட்சி நிா்வாகிகள் மற்றும் அனுதாபிகளிடமிருந்து தங்கள் வீடுகளில் தங்குவதற்கான சலுகைகளை அவா் பெறுவதாக ஆம் ஆத்மி கட்சி கூறுகிறது.

பின்னா், முதல்வா் அதிஷியை அதிகாரப்பூா்வ இல்லத்திற்கு உள்ளே செல்ல அனுமதிக்காமல், அவா் ஏன் தங்கியிருக்கிறாா்?.

தண்ணீா் தட்டுப்பாடு, தண்ணீா் தேக்கம், நீரில் மூழ்கி உயிரிழப்பு என மக்கள் தாங்க முடியாத வேதனையை அனுபவித்தபோது, அற்ப அரசியலில் ஈடுபட்ட கேஜரிவால், தில்லி மக்களை பெரும் சிரமத்திற்கு உள்ளாக்கினாா் என்றாா் தேவேந்தா் யாதவ்.