‘கருணாநிதி நினைவு நாள்: நாகா்கோவிலில் இன்று அமைதிப் பேரணி’

திமுக முன்னாள் தலைவா் கருணாநிதியின் நினைவு நாளையொட்டி, நாகா்கோவிலில் வெள்ளிக்கிழமை (ஆக. 7) அமைதிப் பேரணி நடைபெறுகிறது.

இதுகுறித்து, கன்னியாகுமரி கிழக்கு மாவட்டச் செயலா் ரெ. மகேஷ் வெளியிட்ட அறிக்கை: திமுக முன்னாள் தலைவா் கருணாநிதியின் 8ஆம் ஆண்டு நினைவு நாள் வெள்ளிக்கிழமை கடைப்பிடிக்கப்படுகிறது. இதையொட்டி, கிழக்கு மாவட்ட திமுக சாா்பில் எனது தலைமையில் அமைதிப் பேரணி நடைபெறுகிறது. நாகா்கோவில், வடசேரி அறிஞா் அண்ணா சிலை அருகிலிருந்து காலை 9 மணிக்கு பேரணி தொடங்கி, அண்ணா விளையாட்டு அரங்கம், மணிமேடை சந்திப்பு, எஸ்.பி. அலுவலகம், கட்டபொம்மன் சந்திப்பு, அவ்வை சண்முகம் சாலை வழியாக ஒழுகினசேரியில் உள்ள கட்சியின் மாவட்ட தலைமை அலுவலகத்தை அடைகிறது. அதையடுத்து, அங்குள்ள கருணாநிதியின் முழு உருவ வெண்கலச் சிலைக்கு மாலை அணிவித்து அஞ்சலி செலுத்தப்படவுள்ளது.

இப்பேரணியில் கிழக்கு மாவட்ட, மாநில, மாநகர, ஒன்றிய, நகர உள்ளிட்ட அனைத்து அமைப்புகள், சாா்பு அணிகளின் நிா்வாகிகள் திரளாகப் பங்கேற்க வேண்டும். மேலும், கிழக்கு மாவட்டம் முழுவதும் முக்கியமான பகுதிகளில் கருணாநிதியின் படத்துக்கு மாலை அணிவித்து அஞ்சலி செலுத்த வேண்டும் என்றாா் அவா்.