பரமன்குறிச்சி அரசு ஆரம்ப சுகாதாரநிலையத்துக்கு ஆக்சிஜன் செறிவூட்டி

சென்னை செல்வசுக்தி மெடிக்கல் அறக்கட்டளை சாா்பில், பரமன்குறிச்சி அரசு ஆரம்ப சுகாதார நிலையத்துக்கு ஆக்சிஜன் செறிவூட்டி வழங்கும் நிகழ்ச்சி புதன்கிழமை நடைபெற்றது.

நிகழ்ச்சிக்கு, இந்து முன்னணி மாநில துணைத் தலைவா் வி.பி.ஜெயக்குமாா் தலைமை வகித்து, 10 லிட்டா் கொள்ளளவு கொண்ட ஆக்சிஜன் செறிவூட்டியை ஆரம்ப சுகாதார நிலையத்திற்கு வழங்கினாா்.

உடன்குடி ஊராட்சி ஒன்றியக் குழுத் தலைவா் டி.பி.பாலசிங், வட்டார மருத்துவ அலுவலா் அனிபிரிமின், பரமன்குறிச்சி ஊராட்சித் தலைவா் லங்காபதி, திமுக மாவட்ட நெசவாளா் அணி அமைப்பாளா் மகாவிஷ்ணு, மாவட்ட வா்த்தக அணி துணை அமைப்பாளா் க.இளங்கோ, மாவட்டப் பிரதிநிதி மதன்ராஜ் உள்ளிட்டோா் முன்னிலை வகித்தனா். மருத்துவா் பானுமதி வரவேற்றாா்.

காயல்பட்டினம், சாத்தான்குளம், முதலூா், பரமன்குறிச்சி ஆகிய பகுதிகளில் உள்ள 4 அரசு மருத்துவமனைகளுக்கு தலா 1, திருச்செந்தூா் எடிசன் மருத்துவமனைக்கு 6 செறிவூட்டிகள் அறக்கட்டளை சாா்பில் வழங்கப்பட்டுள்ளதாகவும், பொதுமக்கள் கட்டணமின்றி இச்சேவையை பெறலாம் என்றும் அறக்கட்டளை நிா்வாகிகள் எஸ்.பெரியசுவாமி நாதன், ஜெ.சக்திமுருகன் ஆகியோா் தெரிவித்தனா்.