அரசுக் கல்லூரியில் வாக்காளர் சேர்க்கை

அரியலூர் அரசு கலைக் கல்லூரி கலையரங்கத்தில், நாட்டு நலப் பணித்திட்டம் சார்பில் புதிய வாக்காளர்கள் சேர்க்கை முகாம் புதன்கிழமை நடைபெற்றது. 
இந்த முகாமில் 1.1.2019 அன்று 18 வயது நிறைவடையவுள்ள அனைத்து மாணவ, மாணவிகளையும் வாக்காளர் பட்டியலில் சேர்ப்பதற்காக அவர்களிடம் படிவம்-6 வழங்கப்பட்டு, புகைப்படத்துடன் பூர்த்தி செய்யப்பட்ட விண்ணப்பங்கள் பெறப்பட்டன. பின்னர் இந்த விண்ணப்பங்கள் ஆணையத்தின் வலைத்தளத்தில் பதிவு செய்யப்படவுள்ளன. 
முகாமில் மாணவ, மாணவிகள் ஆர்வமுடன் கலந்துகொண்டு தங்களது பெயரைப் பதிவு செய்தனர். முகாமுக்கு கல்லூரி முதல்வர் (பொ) சா. சிற்றரசு  தலைமை வகித்தார். ஏற்பாடுகளை அரியலூர் மாவட்டத் தேர்தல் அலுவலகத்துடன் இணைந்து நாட்டு நலப்பணித்திட்ட அலுவலர்கள் வெ. கருணாகரன் மற்றும்  செல்வமணி ஆகியோர் செய்தனர்.