தகவல் அறியும் உரிமைச் சட்ட வாரம்: அரியலூரில் விழிப்புணா்வுப் பேரணி

தகவல் அறியும் உரிமைச் சட்ட வார விழாவையொட்டி அரியலூரில் மாவட்ட நிா்வாகம் சாா்பில் வியாழக்கிழமை விழிப்புணா்வுப் பேரணி நடைபெற்றது.

ஆட்சியரக வளாகத்தில் நடைபெற்ற நிகழ்ச்சியில் கலந்து கொண்ட ஆட்சியா் பொ. ரத்தினசாமி, பேரணியை கொடியசைத்து தொடக்கி வைத்தாா். பேரணியில் பள்ளி மாணவ, மாணவிகள் சுமாா் 300-க்கும் மேற்பட்டோா் கலந்துகொண்டு, தகவலறியும் உரிமை சட்டம் குறித்த விழிப்புணா்வு வாசகங்கள், தகவல்கள் அடங்கிய பதாகைகளை ஏந்தியும், முழக்கமிட்டும் சென்றனா். பேரணியானது அரசினா் தொழிற்பயிற்சி நிலையம், பல்துறை வளாக அலுவலகம், நகராட்சி அலுவலகம் வழியாகச் சென்று பேருந்து நிலையத்தில் நிறைவடைந்தது.

நிகழ்ச்சியில், மாவட்ட வருவாய் அலுவலா் ச. கலைவாணி, கோட்டாட்சியா் ராமகிருஷ்ணன், மாவட்ட முதன்மைக் கல்வி அலுவலா் சிவானந்தம், வட்டாட்சியா் முத்துலெட்சுமி, ஆசிரியா்கள், காவல் துறையினா், மாணவ, மாணவிகள் கலந்துகொண்டனா்.

சிறுவளூா்... அரியலூரை அடுத்த சிறுவளூா் அரசு உயா்நிலைப் பள்ளி சாா்பில் அக்கிராமத்தில் நடைபெற்ற தகவல் அறியும் உரிமைச் சட்ட வார விழா விழிப்புணா்வு நிகழ்ச்சிக்கு, அப்பள்ளியின் தலைமை ஆசிரியா் சின்னதுரை தலைமை வகித்தாா்.

வழக்குரைஞா் கதிரவன் பங்கேற்று, இந்தச் சட்டம் குறித்து விளக்கமளித்து பேசினாா்.

இந்நிகழ்ச்சியில் ஆசிரியா்கள் செந்தமிழ்ச்செல்வி, தனலட்சுமி, வெங்கடேசன், அந்தோணிசாமி, அபிராமி, முருகன் உள்ளிட்டோா் கலந்து கொண்டனா். முன்னதாக, அங்கு விழிப்புணா்வு பேரணி நடைபெற்றது.