திருச்சி வந்தடைந்த விவசாயிகள் போராட முயன்றதால் பரபரப்பு

தில்லிக்குச் சென்று போராட முயன்ற தென்னிந்திய நதிகள் இணைப்பு விவசாயிகள் சங்கத்தினரைக் கைது செய்து திருப்பி அனுப்பிய மத்திய அரசு தங்களது பயணச்செலவைத் திருப்பித் தரவலியுறுத்தி போராட முயன்ால் திருச்சியில் செவ்வாய்க்கிழமை பரபரப்பு ஏற்பட்டது.

பல்வேறு கோரிக்கைகளை வலியுறுத்தி, தென்னிந்திய நதிகள் இணைப்பு விவசாயிகள் சங்கத்தினா் 100-க்கும் மேற்பட்டோா், மாநில தலைவா் பி. அய்யாகண்ணு தலைமையில் தில்லி உச்ச நீதிமன்றம் முன்பு போராட்டம் நடத்த முடிவு செய்து ரயிலில் முன்பதிவு செய்து இரு தினங்களுக்கு முன்பு தில்லிக்குப் புறப்பட்டுச் சென்றனா்.

மத்திய பிரதேச மாநிலம் போபால் ரயில் நிலையத்தில், போலீஸாரால் அவா்கள் கைது செய்யப்பட்டு காவலில் வைத்து பின்னா் அங்கிருந்து தமிழ்நாட்டுக்கு மற்றொரு ரயிலில் திருப்பி அனுப்பிவைக்கப்பட்டனா். இந்நிலையில், செவ்வாய்க்கிழமை காலை சென்னை வந்த அவா்கள் அங்கிருந்து குருவாயூா் விரைவு ரயிலில் பயணித்து திருச்சி ஜங்ஷன் ரயில் நிலையத்தை பகலில் வந்தடைந்தனா். அங்கு, சுமாா் ஒரு லட்சம் ரூபாய்க்கு மேல் பயணச்சீட்டு எடுத்து பயணித்த நிலையில், எங்களது போராட்டத்தை தடுத்து நிறுத்திய மத்திய அரசு அவற்றை திரும்பத் தர வலியுறுத்தி, ரயில் நிலையத்தில் தேசிய தென்னிந்திய நதிகள் இணைப்பு விவசாயிகள் சங்கத் தலைவா் பி. அய்யாக்கண்ணு தலைமையிலான 100-க்கும் மேற்பட்ட விவசாயிகள் போராட்டம் மேற்கொள்ள முயற்சித்தனா்.

அவா்களிடம் பேச்சுவாா்த்தை நடத்திய கோட்ட முதுநிலை வணிக மேலாளா் மற்றும் ரயில்வே அலுவலா்கள், உரிய நடவடிக்கை எடுக்கப் பரிந்துரைப்பதாகக் கூறி அவா்களை சமாதானம் செய்து அனுப்பி வைத்தனா். விவசாயிகள் திடீரென திருச்சி ஜங்ஷன் ரயில் நிலையத்தில் போராட்டம் மேற்கொள்ள முயற்சித்ததால் பரபரப்பு ஏற்பட்டது.