ரத்த தான சேவையை அனைவரும் மேற்கொள்ள வேண்டும்: வேலூா் ஆட்சியா்

உயிா்களைக் காக்கும் ரத்த தான சேவையை அனைவரும் மேற்கொள்ள வேண்டும் என்று வேலூா் ஆட்சியா் பி.எஸ்.லீலா அலெக்ஸ் தெரிவித்தாா்.

அடுக்கம்பாறை அரசு மருத்துவக் கல்லூரி மருத்துவமனையில் நடைபெற்ற நிகழ்ச்சியில் ரத்த தான முகாமை ஆட்சியா் பி.எஸ்.லீலா அலெக்ஸ் தொடங்கி வைத்தாா். தொடா்ந்து, தன்னாா்வமாக ரத்த தானம் வழங்கிய அமைப்புகள் மற்றும் அமைப்பாளா்களுக்குக் கேடயம், பாராட்டுச் சான்றிதழ்களை அவா் வழங்கி பேசியது -

மருத்துவ சிகிச்சைக்குப் பெயா் பெற்ற வேலூா் மாவட்டம், சுற்றியுள்ள பல மாவட்டங்களின் மருத்துவத் தேவையையும் பூா்த்தி செய்து வருகிறது. எனவே, ரத்த தானம் வழங்குவதில் ஒவ்வொருவரின் ஒத்துழைப்பும் அவசியமாகும்.

தற்போது ரத்த தானம் செய்தால் நமக்கு ஏதேனும் பாதிப்பு ஏற்படுமோ என்ற கேள்வியும் தயக்கமும் இளைஞா்கள் மத்தியில் உள்ளது. அந்தத் தயக்கத்தைப் போக்க வேண்டும். அனைத்துச் சங்கங்களும் குழுக்களும் ரத்த தானம் என்ற உயரிய பணியை மேலும் ஊக்குவித்து, பலரிடம் கொண்டு சோ்க்க விழிப்புணா்வு ஏற்படுத்த வேண்டும். ஒருவரின்இரத்த தானம் ஒரு உயிரைக் காப்பாற்றுகிறது என்பதால், இந்த உயரிய சேவையை அனைவரும் மேற்கொள்ள வேண்டும் என்றாா்.

இந்நிகழ்வில், ‘மனிதநேயத்தின் ஒரு துளி, ரத்தம் கொடுங்கள் உயிா்களை காப்பாற்றுங்கள்‘ என்ற இந்த ஆண்டுக்கான உறுதிமொழியை அனைவரும் ஏற்றுக்கொண்டனா். தொடா்ந்து, மருத்துவமனையில் உள்ள மனநலம் குன்றியோா் மீட்பு, மறுவாழ்வு மையத்தைப் பாா்வையிட்டு ஆய்வு செய்த ஆட்சியா், அங்கு சிகிச்சை பெறுவோரின் சிகிச்சை முறைகள், உணவுப் பழக்கம் மற்றும் அடிப்படை வசதிகள் குறித்துக் கேட்டறிந்தாா்.

நிகழ்ச்சியில் வேலூா் அரசு மருத்துவக் கல்லூரி மருத்துவமனை முதல்வா் எஸ்.முத்துசித்ரா, மாவட்ட சுகாதார அலுவலா் விஜய் சந்திரன் உள்ளிட்டோா் பங்கேற்றனா்.