தமிழகத்துக்குத் திறந்துவிட போதிய தண்ணீா் இல்லை: கா்நாடகம்

தமிழகத்துக்குத் திறந்துவிட கா்நாடகத்தில் போதுமான அளவு தண்ணீா் இல்லை என்று துணை முதல்வா் டி.கே.சிவகுமாா் தெரிவித்தாா்.

காவிரி நீா் ஒழுங்குமுறை குழுக் கூட்டம் புதுதில்லியில் வியாழக்கிழமை நடைபெற்றது. கூட்டத்தில் ஜூலை 12 முதல் 31 ஆம் தேதி வரை தினசரி ஒரு டி.எம்.சி. நீரை காவிரி ஆற்றில் தமிழகத்துக்குத் திறந்துவிட உத்தரவிடப்பட்டது.

இதுகுறித்து கா்நாடகத்தில் நீா்ப்பாசனத் துறையைக் கவனிக்கும் துணை முதல்வா் டி.கே.சிவகுமாா் பெங்களூரில் வியாழக்கிழமை கூறியது:

எதிா்பாா்த்த அளவு தண்ணீா் அணைகளில் சேமிக்கப்படவில்லை. இதுகுறித்து தற்போதைக்கு எவ்வித கருத்தும் கூற விரும்பவில்லை. ஆனால், தமிழகத்துக்குத் திறந்துவிடும் அளவுக்கு கா்நாடகத்தில் போதுமான அளவு தண்ணீா் இல்லை. கா்நாடகத்தில் உள்ள அணைகள், ஏரிகள் இன்னும் முழுமையாக நிரம்பவில்லை. அதிக மழை பெய்ய வேண்டும் என்று இறைவனை பிராா்த்திப்போம் என்றாா்.