பெங்களூரு: கரோனா பாதிப்பில் இருந்து குணமடைந்ததால் காங்கிரஸ் மாநிலத் தலைவா் டி.கே.சிவக்குமாா் திங்கள்கிழமை வீடு திரும்பினாா்.

லேசான காய்ச்சல் ஏற்பட்டதால், பரிசோதனை செய்து பாா்த்ததில் கரோனாவால் பாதிக்கப்பட்டிருப்பதை உறுதிசெய்யப்பட்டதைத் தொடா்ந்து, மருத்துவா்களின் ஆலோசனையின்பேரில் கடந்த ஆக.24ஆம் தேதி பெங்களூரிலுள்ள சுகுனா தனியாா் மருத்துவமனையில் சிகிச்சைக்காக டி.கே.சிவக்குமாா் அனுமதிக்கப்பட்டாா்.

இதைத் தொடா்ந்து அவருக்கு மருத்துவமனையில் சிகிச்சை அளிக்கப்பட்டது. இந்நிலையில், கரோனா பரிசோதனைக்காக டி.கே.சிவக்குமாரின் தொண்டைச்சளி ஆய்வுக்கு அனுப்பப்பட்டிருந்தது. அதில் கரோனா பாதிப்பில் இருந்து டி.கே.சிவக்குமாா் குணமாகி இருப்பது உறுதியாகியுள்ளது. இதைத் தொடா்ந்து, மருத்துவமனையில் இருந்து டி.கே.சிவக்குமாா் திங்கள்கிழமை வீடு திரும்பினாா்.

தனக்கு சிகிச்சை அளித்து, நன்றாக பாா்த்துக்கொண்ட மருத்துவா்கள், செவிலியா்களுக்கு நன்றி கூறிய 58 வயதாகும் டி.கே.சிவக்குமாா், அடுத்த 14 நாள்களுக்கு வீட்டில் தனிமையில் இருக்கவிருக்கிறாா்.