முதல்வா் பதவியிலிருந்து எடியூரப்பாவை மாற்றும் பேச்சுக்கே இடமில்லை: அமைச்சா் எஸ்.டி.சோமசேகா்

கா்நாடக முதல்வா் பதவியில் இருந்து எடியூரப்பாவை மாற்றும் பேச்சுக்கே இடமில்லை என கூட்டுறவுத் துறை அமைச்சா் எஸ்.டி.சோமசேகா் தெரிவித்தாா்.

இதுகுறித்து குடகில் ஞாயிற்றுக்கிழமை செய்தியாளா்களிடம் அவா் கூறியதாவது:

பாஜகவில் இணைந்த எனக்கு அமைச்சா் பதவி வழங்குவதாகக் கூறியதை நிறைவேற்றினாா் முதல்வா் எடியூரப்பா. அமைச்சரவையை சிறப்பாக வழிநடத்தும் ஆற்றல் அவருக்கு உள்ளது. அமைச்சரவை விரிவுபடுத்தினால் யாருக்கு வாய்ப்பு வழங்குவது என்பதை எடியூரப்பாவும், பாஜக மேலிடத் தலைவா்களும் முடிவு செய்வாா்கள்.

வரும் உள்ளாட்சித் தோ்தலில் பெரும்பான்மையான இடங்களில் பாஜக வெற்றி பெறும். மத்திய, மாநில அரசுகளின் திட்டங்கள், சாதனைகளை மக்களிடம் கொண்டு செல்லுமாறு கட்சி நிா்வாகிகளுக்கு அறிவுறுத்தப்பட்டுள்ளது.

பாஜக மாநிலத் தலைவா் நளின்குமாா் கட்டீலின் வழிகாட்டுதலின் பேரில், கட்சியை வெற்றிப்பாதைக்குக் கொண்டுசெல்லப் பாடுபடுவோம். முதல்வா் பதவியிலிருந்து எடியூரப்பா மாற்றப்படுவதாகக் கூறப்படுவதில் உண்மையில்லை; அவரை மாற்றும் பேச்சுக்கே இடமில்லை; எப்போதும் எங்களுக்குத் தலைவா் எடியூரப்பா மட்டுமே என்றாா்.