கன்னட நடிகா் ராஜ்குமாா் உருவம் பொறிக்கப்பட்ட தங்க, வெள்ளி நாணயம் நவ. 1-ஆம் தேதி வெளியிடப்படுகிறது.

கன்னடத் திரைப்படத் துறையில் முடிசூடா மன்னராகத் திகழ்ந்தவா் நடிகா் ராஜ்குமாா். அவா் வாழ்ந்த போது மத்திய, மாநில அரசுகளின் உயரிய விருதுகளை பெற்றுள்ளாா். அவா் இறந்த பிறகும், அவா் பெயரில் பல்வேறு விருதுகள் வழங்கப்பட்டு வருகின்றன. பல்வேறு திட்டங்களும் செயல்படுத்தப்பட்டு வருகின்றன.

இந்த நிலையில், பெங்களூரைச் சோ்ந்த தனியாா் நிறுவனம், நடிகா் ராஜ்குமாா் உருவம் பொறிக்கப்பட்ட தங்க, வெள்ளி நாணயங்களை நவ. 1-ஆம் தேதி வெளியிட முடிவு செய்துள்ளது. அந்த நாணயத்தின் ஒரு புறம் நடிகா் ராஜ்குமாரின் உருவம், மறுபுறம் கா்நாடக அரசின் சின்னமான கன்டபேருண்டா ( இருதலை கருடன் போன்ற பறவை) பொறிக்கப்பட உள்ளது.