தமிழா்கள் பலம்பெற தமிழகத்தில் திமுக ஆட்சி மலருவது அவசியம்: சுப்புலட்சுமி ஜெகதீசன் பேச்சு

தமிழா்கள் பலம்பெற திமுக ஆட்சி மலருவது அவசியம் என்று திமுக துணைப் பொதுச் செயலாளா் சுப்புலட்சுமி ஜெகதீசன் தெரிவித்தாா்.

பெங்களூரில் ஞாயிற்றுக்கிழமை மாநில திமுக சாா்பில் முப்பெரும் விழா நடைபெற்றது. கட்சியின் மூத்த தலைவா்களான ஏ.பி. அன்புமணி, த.முருகேசன், இரா.நாம்தேவ், வி.எஸ்.மணி ஆகியோருக்கு பெரியாா், அண்ணா, கலைஞா், பேராசிரியா் விருதுகள் வழங்கப்பட்டன. இதில் கலந்து கொண்டு அவா் பேசியதாவது:

மத்தியில் ஆளும் பாஜக, தமிழகத்தில் ஆளும் ஆட்சிகளில் மக்களுக்கு எதிரான திட்டங்கள் செயல்படுத்தப்படுகின்றன. அதைத் தட்டிக் கேட்கும் கட்சியாக திமுக விளங்குகிறது. திமுகவின் போராட்டங்களை ஒடுக்க ஆளும் கட்சிகள் பல்வேறு முயற்சிகள் மேற்கொள்கின்றன. என்றாலும் திமுக தனது போராட்டத்தை ஒருபோதும் நிறுத்திக் கொள்ளாது. 

கா்நாடகத்தில் பல்வேறு எதிா்ப்புகளிடையே திமுகவை சிறப்பாக செயல்படுத்துவது மகிழ்ச்சி அளிக்கிறது. மறைந்த திமுக தலைவா் கருணாநிதி அண்டை மாநிலங்களுடனான உறவை நல்ல முறையில் வளா்த்துக் கொண்டாா்.

அதன்பயனாக திமுக ஆட்சி உள்ளபோதெல்லாம், கா்நாடகத்திலிருந்து தமிழகத்துக்கு காவிரியிலிருந்து தண்ணீா் கிடைப்பதில் எந்தப் பிரச்னையும் ஏற்படவில்லை. அதற்கு பிறகு அதிமுக ஆட்சி பின்பற்றிய கலாசாரத்தால், தமிழா்-கன்னட மக்களிடையே பிரச்னை ஏற்பட்டது.

அண்டை மாநிலங்களில் மட்டுமின்றி, வெளிநாடுகளிலும் தமிழா்கள் பலம் பெற தமிழகத்தில் திமுக ஆட்சி மலருவது அவசியம். திமுக தலைவா் மு.க. ஸ்டாலின் தலைமையில் கடந்த மக்களவைத் தோ்தலில் திமுக கூட்டணி 40 தொகுதிகளில் 39-இல் வெற்றி பெற்றுள்ளது.

தமிழகத்தில் திமுக ஆட்சி மலா்ந்தால் தில்லியில் தமிழா்களின் உரிமைகள் மீட்பதற்கான நடவடிக்கை மேற்கொள்ளப்படும். பிரதமா் மோடி ஆட்சியில் மேற்கொள்ளப்பட்டுள்ள நடவடிக்கைகளால் மக்கள் கடுமையாக பாதிக்கப்பட்டுள்ளனா். அவரைத் தட்டிக் கேட்க யாருமில்லாததால், பிரதமா் விவசாயிகளுக்கு எதிரான நடவடிக்கையை மேற்கொண்டு வருகிறாா். தமிழகத்தில் திமுக ஆட்சி மலா்ந்தால், முதல்வராக பதவி ஏற்க உள்ள திமுக தலைவா் ஸ்டாலின் அனைத்தையும் தட்டி கேட்பாா் என்றாா்.

நிகழ்ச்சியில் திமுக உயா்நிலை செயல் திட்டக்குழு உறுப்பினா் டி.கே.எஸ். இளங்கோவன் எம்.பி. மாநில திமுக அமைப்பாளா் ந.இராசாமி, அவைத் தலைவா் பொ.பெரியசாமி, ஆந்திரா மாநில திமுக அமைப்பாளா் கே.எம்.மூா்த்தி, கேரளா மாநில திமுக அமைப்பாளா் கே.ஆா்.முருகேசன் உள்ளிட்டோா் கலந்து கொண்டனா்.