இரு சக்கர வாகனத் திருட்டு: இருவா் கைது

இரு சக்கர வாகனத் திருட்டு வழக்குகளில் இருவரைக் கைது செய்த போலீஸாா், ரூ.10 லட்சம் மதிப்புள்ள வாகனங்களை பறிமுதல் செய்துள்ளனா்.

பெங்களூரு, காட்டன்பேட்டை காவல் சரகத்துக்கு உள்பட்ட பகுதியில் நிறுத்தி வைத்திருந்த விலையுயா்ந்த இரு சக்கர வாகனத்தை கடந்த ஜூன் 1-ஆம் தேதி காலை யாரோ கள்ளச்சாவியைப் பயன்படுத்தி திருடிச் சென்றனா். அதன் உரிமையாளா் அளித்த புகாரின் பேரில் வழக்குப் பதிந்த போலீஸாா், இருவரை கைது செய்து, ரூ. 10 லட்சம் மதிப்புள்ள 5 இருசக்கர வாகனங்களை பறிமுதல் செய்தனா். கைது செய்யப்பட்ட இருவரிடமும் காட்டன்பேட்டை போலீஸாா் தொடா்ந்து விசாரணை மேற்கொண்டு வருகின்றனா்.