லாரி மோதியதில் சாலையோரம் நின்றிருந்த ஒருவா் உயிரிழந்தாா்.

கா்நாடக மாநிலம், ராம்நகா் மாவட்டம், கனகபுரா வட்டம், தொட்டகப்பள்ளி கிராமத்தைச் சோ்ந்தவா் துன்டுமாதா (30). செவ்வாய்க்கிழமை காலை வீட்டின் அருகே உள்ள சாலையின் ஓரம் இவா் நின்றிருந்தாராம். அப்போது அதே சாலையில் பின்னோக்கி வந்த லாரி அவா் மீது மோதியுள்ளது. இதில் படுகாயமடைந்த அவா், நிகழ்விடத்திலேயே உயிரிழந்துள்ளாா்.

இதுகுறித்து கோடிஹள்ளி போலீஸாா் வழக்குப் பதிந்து விசாரணை செய்து வருகின்றனா்.