3 துணை முதல்வா் கோரிக்கைக்கு கட்சி தகுந்த பதில் அளிக்கும்

காங்கிரஸ் அரசில் 3 துணை முதல்வா்களை நியமிக்க அமைச்சா்கள் சிலா் முன்வைத்திருக்கும் கோரிக்கைக்கு கட்சி மேலிடம் தகுந்த பதில் அளிக்கும் என்று துணை முதல்வா் டி.கே.சிவகுமாா் தெரிவித்தாா்.

இதுகுறித்து மங்களூரில் செவ்வாய்க்கிழமை செய்தியாளா்களிடம் அவா் கூறியதாவது:

யாராவது எதையாது கூறினால், அதை ஊடகங்கள் செய்தியாக்கிவிடுகின்றன. செய்தி ஊடகங்களில் காட்சியளிக்க விரும்பும் சிலரின் விருப்பத்துக்கு குறுக்கே நான் ஏன் நிற்க வேண்டும்?

யாா் வேண்டுமானாலும் கோரிக்கைகளை முன்வைக்கலாம். 3 துணை முதல்வா் பதவி குறித்த கோரிக்கைக்கு கட்சி மேலிடம் தக்க பதிலடி கொடுக்கும். துணை முதல்வா்களை நியமிப்பது குறித்து அகில இந்திய காங்கிரஸ் கட்சித் தலைவா் மல்லிகாா்ஜுன காா்கே, பொதுச் செயலாளா் அல்லது முதல்வரிடம் கேளுங்கள் என்றாா்.

அமைச்சா்கள் கே.என்.ராஜண்ணா, ஜமீா் அகமதுகான், சதீஷ் ஜாா்கிஹோளி ஆகிய 3 அமைச்சா்களும், டி.கே.சிவகுமாா் தவிர மேலும் 3 துணை முதல்வா்களை நியமிக்குமாறு கட்சி மேலிடத்துக்கு கோரிக்கை விடுத்துள்ளனா். இரண்டரை ஆண்டுகளுக்குப் பிறகு முதல்வா் பதவியை டி.கே.சிவகுமாா் கேட்கக் கூடும் என்பதால், அவருக்கு நெருக்கடி கொடுக்கும் நோக்கில் முதல்வா் சித்தராமையாவின் எண்ணப்படியே துணை முதல்வா்கள் கோரிக்கை முன்வைக்கப்படுவதாக அரசியல் வட்டாரங்களில் கூறப்படுகிறது.

கடந்த ஆண்டு காங்கிரஸ் ஆட்சி அமைந்த போது, முதல்வா் பதவிக்காக அடம்பிடித்த கா்நாடக காங்கிரஸ் கட்சித் தலைவா் டி.கே.சிவகுமாரை சமாதானப்படுத்தும் நோக்கத்தில், முதல் இரண்டரை ஆண்டுகாலம் சித்தராமையாவும், இரண்டாவது இரண்டரை ஆண்டுகாலம் டி.கே.சிவகுமாரும் முதல்வராக இருப்பது என்று அகில இந்திய காங்கிரஸ் கட்சி முடிவு செய்ததாகக் கூறப்படுகிறது. அதன்படி, அடுத்த ஒன்றரை ஆண்டுகாலத்தில் முதல்வா் பதவியை தனக்கு தரும்படி டி.கே.சிவகுமாா் கேட்கலாம் என்று எதிா்பாா்க்கப்படுகிறது. அதைத் தவிா்க்கும்பொருட்டு, அவருக்கு நெருக்கடி கொடுக்கவே கூடுதலாக 3 துணை முதல்வா் பதவிகளைக் கேட்டு சித்தராமையா ஆதரவு குழுவைச் சோ்ந்த அமைச்சா்கள் கட்சி மேலிடத்திடம் கோரிக்கை வைத்துள்ளதாகக் கூறப்படுகிறது.