பெங்களூரு: அரசமைப்புச் சட்டத்தை வகுத்ததில் பிராமணா்களின் பங்களிப்பு முக்கியத்துவம் வாய்ந்தது என்று கா்நாடக உயா்நீதிமன்ற நீதிபதி கிருஷ்ணா எஸ்.தீக்ஷித் தெரிவித்தாா்.

அகில கா்நாடக பிராமண மகா சபாவின் பொன்விழாவை முன்னிட்டு பெங்களூரில் அண்மையில் நடைபெற்ற ‘விஷ்வாமித்ரா’ என்ற பிராமணா் மாநாட்டில் பங்கேற்று, அவா் பேசியதாவது:

அரசமைப்புச் சட்டத்தின் வரைவை பி.என்.ராவ் வடிவமைத்திராவிட்டால், அரசமைப்புச் சட்டத்தை வகுக்க மேலும் 25 ஆண்டுகள் ஆகியிருக்கும் என்று பண்டா்கா் மையத்தில் பேசிய பி.ஆா்.அம்பேத்கா் குறிப்பிட்டிருந்தாா்.

அரசமைப்புச் சட்ட வரைவுக் குழுவில் இடம்பெற்றிருந்த 7 பேரில் அல்லாடி கிருஷ்ணசுவாமி ஐயா், என்.கோபாலசுவாமி ஐயங்காா், பி.என்.ராவ் ஆகிய 3 பேரும் பிராமணா்கள். இதன்மூலம் நமது நாட்டின் சட்ட கட்டமைப்பை உருவாக்கியதில் பிராமணா்களின் பங்களிப்பை உணா்ந்து கொள்ளலாம். அரசமைப்புச் சட்டத்தை வகுத்ததில் பிராமணா்களின் பங்களிப்பு முக்கியத்துவம் வாய்ந்தது. பிராமணா்களை ஜாதியாக கருதாமல், ‘வா்ண’மாக கருத வேண்டும். வேதங்களை வகைப்படுத்தியவா் வேதவியாசா். அவா், மீனவப் பெண்ணின் மகனாக இருந்தாா்.

ராமாயணத்தை எழுதிய வால்மீகி, தாழ்த்தப்பட்ட அல்லது பழங்குடியின சமூகத்தைச் சோ்ந்தவராக இருந்தாா். அதற்காக அவா்களை பிராமணா்கள் என்றைக்கும் குறைத்து மதிப்பிட்டதில்லை. ஆண்டாண்டு காலமாக ராமனை வணங்கி வருகிறோம். அவரது மாண்புகள் அரசமைப்புச்

சட்டத்தில் சோ்க்கப்பட்டுள்ளன.

நீதிபதியாக பதவியேற்பதற்கு முன்பாக பிராமணா் அல்லாதவா் தேசிய இயக்கத்தில் பங்காற்றி இருக்கிறேன். ஆனால், நீதிபதியாக பதவியேற்ற பிறகு, அதுபோன்ற அமைப்புகளிடம் இருந்து விலகிவிட்டேன். எனவே, நீதிபதியாக பதவி வகிப்பதால் விதிக்கப்பட்டிருக்கும் கட்டுப்பாடுகளுக்கு உட்பட்டு நான் பேசிக்கொண்டிருக்கிறேன் என்றாா்.

நீதிபதி வி.ஸ்ரீஷானந்தா பேசியதாவது:

சமூக, பொருளாதார சங்கடங்கள் இருந்தபோதிலும், பிராமணா் மாநாடு பிரம்மாண்டமான முறையில் நடத்தப்பட்டிருக்கிறது. உணவு அல்லது கல்விக்கே வழியில்லாதபோது பெரிய அளவில் இதுபோன்ற மாநாடுகள் தேவை தானா? என்று சிலா் கேட்கிறாா்கள். ஆனால், பிராமணா்களை சமுதாயமாக ஒருமுகப்படுத்தி, சமுதாய சிக்கல்களை விவாதிப்பதற்கு இதுபோன்ற மாநாடுகள் தேவைப்படுகின்றன. எனவே, வெற்று விமா்சனங்களை புறந்தள்ள வேண்டும் என்றாா்.