சென்னை திரு.வி.க. நகா் தொகுதியில் கட்டப்பட்டுள்ள அண்ணல் அம்பேத்கா் திருமண மாளிகையை ஜன.29- ஆம் தேதி முதல்வா் மு.க.ஸ்டாலின் திறந்து வைக்கிறாா் என்று அமைச்சா் பி.கே.சேகா்பாபு கூறினாா்.

பெருநகர சென்னை மாநகராட்சி, திரு.வி.க.நகா் சட்டப்பேரவை தொகுதி, பெரம்பூா், சந்திரயோகி சமாதி சாலையில் வட சென்னை வளா்ச்சித் திட்டத்தின் கீழ் சிஎம்டிஏ சாா்பில் புதிய சமுதாய நலக்கூடம் கட்டப்பட்டு வருகிறது. இதேபோல, பெரம்பூா் ரயில் நிலையம் அருகே முரசொலிமாறன் பூங்கா மேம்படுத்தப்பட்டு வருகிறது. மேலும், கன்னிகாபுரம் விளையாட்டு மைதானம் மற்றும் புரசைவாக்கம் கான்ரான்ஸ்மித் சாலையில் நவீன சலவைக் கூடங்கள் கட்டப்பட்டு வருகிறது.

இந்தப் பணிகளை இந்து சமய அறநிலையத் துறை அமைச்சரும், சென்னைப் பெருநகா் வளா்ச்சிக் குழுமத்தின் தலைவருமானபி.கே.சேகா்பாபு திங்கள்கிழமை நேரில் பாா்வையிட்டு ஆய்வு செய்தாா். அப்போது, பணிகளை விரைந்து முடித்து, பொதுமக்கள் பயன்பாட்டுக்கு கொண்டுவர ஒப்பந்ததாரா்கள் மற்றும் அதிகாரிகளுக்கு அமைச்சா் பி.கே.சேகா்பாபு அறிவுரை வழங்கினாா்.

இதைத் தொடா்ந்து, ஏழுகிணறு ஸ்டான்லி அரசு மருத்துவமனை அருகே 776 புதிய அடுக்குமாடி குடியிருப்புகளின் திறப்பு விழா புதன்கிழமை (ஜன.21) நடைபெறவுள்ள நிலையில், அதன் முன்னேற்பாட்டு பணிகளை அமைச்சா் பி.கே.சேகா்பாபு ஆய்வு செய்தாா்.

இதையடுத்து செய்தியாளா்களிடம் அவா் கூறுகையில், திரு.வி.க. நகா் சட்டப்பேரவைத் தொகுதியில் சிஎம்டிஏ சாா்பில் 30,000 சதுரஅடியில் திருமண மண்டபம் கட்டப்பட்டு வருகிறது. ‘அண்ணல் அம்பேத்கா் திருமண மாளிகை’ என்று பெயா் சூட்டப்பட்டுள்ள இந்த மண்டபத்தை ஜன.29-ஆம் தேதி முதல்வா் மு.க.ஸ்டாலின் திறந்து வைக்கிறாா்.

மண்டபத்துக்கு கட்டணமாக ரூ.75,000 நிா்ணயிக்கப்பட்டுள்ளது. மின்சாரம், தூய்மைப் பணிகளுக்கு தனி கட்டணம் வசூலிக்கப்படும் என்றாா் அவா்.

முன்னதாக, ஆளுநா் ஆா்.என்.ரவி தமிழ்நாடு முதலீட்டில் பின்னோக்கிச் செல்வதாகக் கூறியுள்ள குற்றச்சாட்டு குறித்த கேள்விக்கு, ஆளுநா் ஆா்.என்.ரவியின் கோட்பாடுதான் பின்னோக்கிச் செல்கிறதே தவிர, தமிழ்நாடு எப்போதும் முன்னேறித்தான் சென்று கொண்டிருக்கிறது என்று அமைச்சா் சேகா்பாபு கூறினாா்.