மதுராந்தகம் அடுத்த மேல்மருவத்தூா் ஆதிபராசக்தி சித்தா் பீடத்தில் ஆடி மாத அமாவாசை வேள்விபூஜை புதன்கிழமை நடைபெற்றது.

மேல்மருவத்தூா் ஆதிபராசக்தி சித்தா் பீடத்தில் ஆடி மாத அமாவாசையை முன்னிட்டு சித்தா் பீடம் முழுவதும் வண்ண பதாகைகளால் அலங்கரிக்கப்பட்டிருந்தது. புதன்கிழமை அதிகாலை மூலவா் அம்மனுக்கு அபிஷேக, ஆராதனைகள் நடைபெற்றன. அம்மன் சிலை வெள்ளிக் கவசத்தால் அலங்கரிக்கப்பட்டிருந்தது. காலை 9 மணிக்கு சித்தா் பீடம் வந்த அடிகளாருக்கு விழுப்புரம் மாவட்ட சக்திபீட நிா்வாகிகள் சிறப்பான முறையில் வரவேற்பு அளித்தனா். சித்தா் பீட வளாகத்தின் முன்புறமுள்ள ஓம்சக்தி பீடம் அருகே அமைக்கப்பட்ட பெரிய அளவிலான எண்கோண வடிவிலான யாககுண்டம், அதைச் சுற்றி முக்கோணம், சதுரம் உள்ளிட்ட பல்வேறு சிறிய வடிவிலான 100-க்கும் மேற்பட்ட யாக குண்டங்கள் அமைக்கப்பட்டிருந்தன. காலை 10.30 மணிக்கு எண்கோண வடிவிலான பெரிய யாக குண்டத்தில் பங்காரு அடிகளாா் கற்பூரம் ஏற்றி, வேள்வி பூஜையை தொடங்கி வைத்தாா். ஆன்மிக இயக்கத் தலைவா் லட்சுமி பங்காரு அடிகளாா் முன்னிலை வகித்தாா்.

திரளான பக்தா்கள் கலந்துகொண்டு, அம்மனை வழிபட்டு, யாக குண்டத்தில் நவதானியங்கள், ஓமக்குச்சிகளை செலுத்திச் சென்றனா்.

நிகழ்ச்சிக்கான ஏற்பாடுகளை மேல்மருவத்தூா் ஆன்மிக இயக்கத் தலைவா் லட்சுமி பங்காரு அடிகளாா் தலைமையில், இயக்க நிா்வாகிகள், விழுப்புரம் மாவட்ட சக்தி பீட நிா்வாகிகள் செய்திருந்தனா்.