சென்னை மாரத்தான் நெடுந்தொடர் ஓட்டப் போட்டியில் ராணுவ அதிகாரிகள் பயிற்சி அகாதெமியைச் சேர்ந்த வீராங்கனை தான்யா ஷெர்கில் சிறப்பிடம் பெற்றார்.
3 பிரிவுகளில் ஞாயிற்றுக்கிழமை நடைபெற்ற போட்டிகளில் சென்னை ராணுவ அதிகாரிகள் பயிற்சி அகாதெமியைச் சேர்ந்த 11 அதிகாரிகள், 13 ராணுவ வீரர்கள், 16 பெண் வீராங்கனைகள் பங்கேற்றனர். அதில் 10 கி.மீ. தூர போட்டியில் தான்யா ஷெர்கில் 5-ஆவது இடம் பிடித்தார்.
இவர் 48 நிமிஷங்கள் 38 விநாடியில் 10 கி.மீ. தொலைவைக் கடந்தார். 2016-ஆம் ஆண்டு ஏப்ரலில் அகாதெமியில் இணைந்த இவர், சிறந்த விளையாட்டு வீரர் என்பது குறிப்பிடத்தக்கது.