சென்னை எழும்பூரில் இருந்து புறப்படும், வந்தடையும் ரயில்களின் நேரத்தில் மாற்றம் செய்யப்பட்டுள்ளது. 
தெற்கு ரயில்வே அட்டவணை திங்கள்கிழமை வெளியிடப்பட்டது. இதில், சென்னை எழும்பூர் ரயில் நிலையத்தில் இருந்து புறப்படும் மற்றும் வந்தடையும் ரயில்களின் நேரம் மாற்றம் செய்யப்பட்டுள்ளது.
எழும்பூரில் இருந்து புறப்படும் ரயில்கள்: சென்னை எழும்பூர்-செங்கோட்டைக்கு சிலம்பு விரைவு ரயில் இரவு 8.20 மணிக்கு புறப்படுவது வழக்கம். இந்த ரயில் புறப்படும் நேரம் இரவு 8.40 மணிக்கு மாற்றப்பட்டுள்ளது. அதேபோல், சென்னை எழும்பூர்-செங்கோட்டைக்கு இயக்கப்படும் பொதிகை விரைவு ரயில் 5 நிமிஷம் முன்னதாக இரவு 9 மணிக்கு புறப்படும்.
சென்னை எழும்பூர்-திருச்சிக்கு இயக்கப்படும் சோழன் விரைவு ரயில் 30 நிமிஷம் முன்னதாக காலை 8 மணிக்கு புறப்படும். சென்னை எழும்பூர்-தஞ்சைக்கு இயக்கப்படும் உழவன் விரைவு ரயில் வழக்கமாக இரவு 10.30 மணிக்கு புறப்படும். 
இந்த ரயில் புறப்படும் நேரம் இரவு 10.40 மணிக்கு மாற்றப்பட்டுள்ளது. அதேபோல் மேலும் சில ரயில்களின் புறப்படும் நேரம் மாற்றம் செய்யப்பட்டுள்ளது.
எழும்பூர் வந்தடையும் ரயில்களின் நேரம் மாற்றம் : செங்கோட்டையில் இருந்து சென்னை எழும்பூருக்கு இயக்கப்படும் விரைவு ரயில் (16182) காலை 5.35 மணிக்கு வந்தடைவது வழக்கம். இந்த ரயில் வருகை நேரம் மாற்றப்பட்டு, 5.45 மணிக்கு வந்து சேரும் மதுரை-சென்னை எழும்பூருக்கு இயக்கப்படும் மஹால் அதிவேக ரயில் 5 நிமிஷம் முன்னதாக காலை 7.15 மணிக்கு வந்தடையும். 
குருவாயூர்-சென்னை எழும்பூருக்கு இயக்கப்படும் விரைவு ரயில் 15 நிமிஷம் தாமதமாக இரவு 8.45 மணிக்கு வந்து சேரும். 
இதேபோன்று, சென்ட்ரல் ரயில் நிலையத்தில் இருந்து புறப்படும், வந்தடையும் சில ரயில்களின் நேரமும் மாற்றப்பட்டுள்ளது. இந்த மாற்றம் செவ்வாய்க்கிழமை (ஆக.14) நள்ளிரவு முதல் அமலுக்கு வருகிறது என்று தெற்கு ரயில்வே செய்திக் குறிப்பில் தெரிவிக்கப்பட்டுள்ளது.