சென்னை மாநகராட்சியின் கோடம்பாக்கம் மண்டலத்தில் நடைபாதையை ஆக்கிரமித்து கட்டப்பட்டிருந்த கோயிலை மாநகராட்சி அதிகாரிகள் திங்கள்கிழமை அகற்றினா்.

பெருநகர சென்னை மாநகராட்சிக்கு உள்பட்ட சாலைகள் மற்றும் நடைபாதைகளில் கடைகள், கோயில்கள் கட்டப்பட்டுள்ளதாலும், வாகனங்களை நிறுத்துவதாலும் மாநகரில் கடுமையான போக்குவரத்து நெரிசல் ஏற்படுவதாக பொதுமக்கள் தொடா்ந்து மாநகராட்சியிடம் புகாா் அளித்து வந்தனா்.

இதைத் தொடா்ந்து, நடைபாதை மற்றும் சாலைகளை ஆக்கிரமித்து கட்டப்பட்டுள்ள கடைகள், கோயில்களை அகற்ற மாநகராட்சி ஆணையா் கோ.பிரகாஷ் உத்தரவிட்டாா். அதன் அடிப்படையில், கோடம்பாக்கம் மண்டலத்துக்கு உள்பட்ட 138-ஆவது வாா்டில் நடைபாதை ஆக்கிரமித்து கட்டப்பட்டிருந்தது தெரிய வந்தது. இதனால், அவ்வழியே செல்வோா் சிரமத்துக்குள்ளாகி வந்தனா். இதையடுத்து, பொக்லைன் இயந்திரத்தின் உதவியுடன் நடைபாதையில் இருந்த கோயிலை மாநகராட்சி அதிகாரிகள் திங்கள்கிழமை அகற்றினா்.

இதுகுறித்து மாநகராட்சி ஆணையா் கோ.பிரகாஷ் கூறுகையில்,‘நடைபாதை மற்றும் சாலைகளை ஆக்கிரமித்து கட்டடங்கள் கட்டினால் அவை உடனடியாக அகற்றப்படுவதுடன், ஆக்கிரமிப்பாளா்கள் மீது கடும் நடவடிக்கை எடுக்கப்படும். இவ்வாறான ஆக்கிரமிப்பு கோயில் மற்றும் கடைகளை அகற்றும் பணி தீவிரமாக முன்னெடுக்கப்படும் என்றாா்.