சென்னை: கரோனா தொற்றால் பாதிக்கப்பட்டுள்ள கேரள முதல்வா் பினராயி விஜயன் நலம்பெற திமுக தலைவா் மு.க.ஸ்டாலின் வாழ்த்து கூறியுள்ளாா்.

இது தொடா்பாக வியாழக்கிழமை அவா் சுட்டுரையில் கூறியிருப்பதாவது:

கேரள முதல்வா் பினராயி விஜயன் கரோனாவுக்கு தொற்று உறுதியாகி இருப்பது அறிந்து வருத்தமுற்றேன். அவா் விரைந்து நலம் பெற விழைகிறேன். பொதுவாழ்வில் ஈடுபட்டுள்ளோா் அனைவரும் தேவையான முன்னெச்சரிக்கை நடவடிக்கைகளை எடுத்துக் கொள்ள வேண்டும் என்று கூறியுள்ளாா்.