இயன்முறை சிகிச்சையாளா்கள் ஆா்ப்பாட்டம்

சென்னை: ஊதிய உயா்வு உள்ளிட்ட கோரிக்கைகளை வலியுறுத்தி அரசு மருத்துவமனைகளில் ஒப்பந்த அடிப்படையில் பணிபுரியும் இயன்முறை சிகிச்சையாளா்கள் (பிசியோதெரபிஸ்டுகள்) சென்னையில் கவன ஈா்ப்பு ஆா்ப்பாட்டத்தில் ஈடுபட்டனா்.

தமிழ்நாடு தேசிய சுகாதார குழுமத்தின் கீழ் ஆரம்ப சுகாதார நிலையங்கள், மருத்துவக் கல்லூரி மருத்துவமனைகள், மாவட்ட தலைமை மருத்துவமனைகளில் ஒப்பந்த அடிப்படையில் இயன்முறை சிகிச்சையாளா்கள் பணியாற்றி வருகின்றனா்.

இந்த நிலையில், ஊதிய உயா்வு உள்ளிட்ட கோரிக்கைகளை வலியுறுத்தி தமிழ்நாடு தேசிய நல வாழ்வு குழும இயன்முறை மருத்துவா்கள் சங்கத்தின் சாா்பில் சென்னை எழும்பூரில் உள்ள ராஜரத்தினம் மைதானம் அருகில் செவ்வாய்க்கிழமை ஆா்ப்பாட்டம் நடத்தப்பட்டது.

சங்கத்தின் தலைவா் எம்.கருணாநிதி, செயலா் சூா்யா பாலாஜி, துணை தலைவா் சண்முகவேல், பொருளாளா் மஞ்சுளா உள்ளிட்ட 200-க்கும் மேற்பட்டோா் பங்கேற்றனா்.

இந்த ஆா்ப்பாட்டம் குறித்து சங்கத்தின் தலைவா் எம்.கருணாநிதி கூறியதாவது:

தமிழ்நாடு தேசிய நல குழுமத்தில் ஒப்பந்த அடிப்படையில் இயன்முறை மருத்துவா்களாக பணிபுரிவதற்கு குறைந்தபட்ச கல்வித்தகுதி பிபிடி பட்டப் படிப்பாக உள்ளது. அதன் அடிப்படையில் எங்களின் ஊதியத்தை ஆயுஷ் மற்றும் பல் மருத்துவா்களுக்கு இணையாக மாதம் ரூ. 35,000 என நிா்ணயிக்க வேண்டும்.

கரோனா காலங்களில் பணிபுரிந்த இயன்முறை சிகிச்சையாளா்களுக்கு மருத்துவ பணியாளா் தோ்வு வாரியம் (எம்ஆா்பி) நடத்தும் தோ்வில் ஊக்க மதிப்பெண் அளிப்பதற்கான அரசாணை தமிழக அரசு வெளியிட வேண்டும் என்பது உள்ளிட்ட கோரிக்கைகளை வலியுறுத்தி ஆா்ப்பாட்டம் நடத்துகிறோம் என்றாா் அவா்.