மாா்ச் 27-இல் அஞ்சல் குறைதீா் முகாம்

சென்னையில் மாா்ச் 27-ஆம் தேதி அஞ்சல் குறைதீா் முகாம் நடைபெறவுள்ளது. இது குறித்து வெளியிடப்பட்ட செய்திக் குறிப்பு: சென்னை அண்ணா சாலையில் உள்ள தலைமை அஞ்சலகத்தில் அஞ்சல் குறைதீா் முகாம் மாா்ச் 27-ஆம் தேதி காலை 11 மணி முதல் நடைபெறவுள்ளது. இந்த முகாமில், பணவிடை (மணியாா்டா்) , துரித தபால், பதிவு தபால், சேமிப்பு வங்கி, அஞ்சல் காப்பீடு, கிராமிய அஞ்சல் காப்பீடு போன்ற அஞ்சல் சேவைகள் தொடா்பான சந்தேகங்கள் மற்றும் புகாா்களுக்கு தீா்வு காணலாம். தபால் சம்பந்தமான புகாா்களைத் தெரிவித்த வாடிக்கையாளா் புகாா் அனுப்பப்பட்ட தேதி, அனுப்புநா் மற்றும் பெறுநா் முகவரி ஆகியவற்றை முகாமுக்கு கொண்டு வர வேண்டும். மேலும், அஞ்சல் காப்பீடு, சேமிப்பு கணக்கு போன்றவை தொடா்பான புகாா்களுக்கு கணக்கு வைத்திருப்பவா்களின் பெயா், முகவரி, காப்பீட்டாளரின் பெயா் மற்றும் முழு விவரங்களை புகாருடன் இணைக்கவேண்டும். இந்தப் புகாா்களை வாடிக்கையாளா்கள், முதன்மை அஞ்சல் அதிகாரி, சென்னை பொது அலுவலகம், சென்னை 600-001 எனும் முகவரிக்கு மாா்ச் 26 -ஆம் தேதிக்குள் நேரில் அல்லது அஞ்சல் மூலமாக சமா்ப்பிக்க வேண்டும் எனத் தெரிவிக்கப்பட்டுள்ளது.