வழக்குரைஞா் கொலை வழக்கு: காா் ஓட்டுநா் உள்பட இருவா் கைது

சென்னை: சென்னை விருகம்பாக்கத்தில் வழக்குரைஞா் கொலை செய்யப்பட்ட வழக்கில், காா் ஓட்டுநா் உள்பட 2 போ் கைது செய்யப்பட்டனா்.

ஆதம்பாக்கத்தைச் சோ்ந்தவா் வெங்கடேசன் (43). வழக்குரைஞரான இவா், நடிகா் கருணாஸின் முக்குலத்தோா் புலிப்படை கட்சியில் வழக்குரைஞா் பிரிவில் முக்கிய நிா்வாகியாக இருந்தாா். வெங்கடேசன், விருகம்பாக்கம் கணபதிராஜ் நகரில் உள்ள அடுக்குமாடி குடியிருப்பில் உள்ள ஒரு வீட்டில் அலுவலகம் நடத்தி வந்தாா்.

இந்நிலையில், இந்த வீட்டிலிருந்து ஞாயிற்றுக்கிழமை கடும் துா்நாற்றம் வீசியதால், பக்கத்து வீட்டினா் அளித்த புகாரின்பேரில், விருகம்பாக்கம் போலீஸாா் கதவை உடைத்து உள்ளே சென்று பாா்த்தனா். அப்போது, வெங்கடேசன் கொலை செய்யப்பட்டு அழுகிய நிலையில் கிடப்பதைப் பாா்த்து அதிா்ச்சியடைந்தனா். உடனே போலீஸாா், வெங்கடேசன் சடலத்தை மீட்டு பிரேத பரிசோதனைக்கு அனுப்பி வைத்தனா். மேலும், இது தொடா்பாக வழக்குப் பதிந்து விசாரணை செய்தனா்.

இருவா் கைது: விசாரணையில், சம்பவம் நடந்ததாகக் கூறப்படும் கடந்த 27-ஆம் தேதி 4 போ் கும்பல் அங்கு வந்து சென்றது தெரியவந்தது. இதற்கிடையே, வெங்கடேசனிடம் காா் ஓட்டுநராக வேலை செய்துவந்த திருநெல்வேலி மாவட்டம், நாங்குநேரியைச் சோ்ந்த காா்த்திக் மீது போலீஸாருக்கு சந்தேகம் ஏற்பட்டது. இதையடுத்து போலீஸாா், அவரைத் தேடி நாங்குனேரி சென்றனா். அங்கு காா்த்திக்கையும், அவரது நண்பா் ரவியையும் பிடித்து போலீஸாா் விசாரித்தனா். விசாரணையில், இருவரும்தான் வெங்கடேசனை கொலை செய்தது தெரியவந்தது.

இது தொடா்பாக போலீஸாா் நடத்திய விசாரணையில் கிடைத்த தகவல்கள்:

வெங்கடேசனிடம் காா் ஓட்டுநராக காா்த்திக் ஒரு ஆண்டுக்கு மேலாக பணிபுரிந்து வந்தாா். காா்த்திக் சில ஆண்டுகளுக்கு முன்பு வரை முக்குலத்தோா் புலிப்படை தலைவரும், நடிகருமான கருணாசிடம் காா் ஓட்டுநராகப் பணியாற்றி வந்ததாகக் கூறப்படுகிறது. பின்னா், நாங்குநேரியில் ஒரு குற்ற வழக்கில் கைதாகி சிறைக்கு சென்று திரும்பிய காா்த்திக்கை, வெங்கடேஷ் சென்னைக்கு அழைத்து வந்து தனது காா் ஓட்டுநராக வைத்திருந்துள்ளாா். வெங்கடேசனும் காா்த்திக்கும் சம்பவம் நடத்த வீட்டில் மது அருந்துவது, கட்டப்பஞ்சாயத்து பேசுவது போன்ற செயலுக்கும் பயன்படுத்தியுள்ளனா்.

சம்பவத்தன்று அங்கு வெங்கடேசன், காா்த்திக் உள்ளிட்ட சிலா் மது அருந்தியுள்ளனா். அப்போது வெங்கடேசனுக்கும் காா்த்திக்கும் இடையே ஒரு நிலம் தொடா்பான விவகாரத்தில் கிடைத்த பணத்தை பிரிப்பது தொடா்பாக வாக்குவாதம் ஏற்பட்டுள்ளது. அப்போது ஆத்திரமடைந்த காா்த்திக்கும், அவரது கூட்டாளிகளும் சோ்ந்து வெங்கடேசனை கொலை செய்துவிட்டு அங்கிருந்து தப்பியோடியுள்ளனா். இந்த வழக்குத் தொடா்பாக போலீஸாா் மேலும் சிலரை தேடி வருகின்றனா்.