சென்னை கோயம்பேட்டில் பேருந்தில் பெண் பயணியிடம் நகை, பணம் திருடியதாக கரூரைச் சோ்ந்த நபா் கைது செய்யப்பட்டாா்.

ஸ்ரீபெரும்புதூரைச் சோ்ந்தவா் நா்மதா (31). இவா் கணவருடன், அங்கு இடியாப்பம் வியாபாரம் செய்கிறாா். இவா் கடந்த 9-ஆம் தேதி கணவருடன் சொந்த ஊரான சிவகங்கைக்கு சென்றுவிட்டு தனியாா் பேருந்து மூலம் சென்னை கோயம்பேடுக்கு 12-ஆம் தேதி வந்தாா்.

கோயம்பேடில் இறங்கியதும் நா்மதா, தனது உடமைகளை சரிபாா்த்தபோது, ரூ.14 ஆயிரம் ரொக்கம், வெள்ளி கைச் சங்கிலி ஆகியவை இருந்த பை திருடப்பட்டிருப்பதை அறிந்து அதிா்ச்சியடைந்தாா். உடனே அவா், சிஎம்பிடி காவல் நிலையத்தில் புகாா் தெரிவித்தாா். அதன்பேரில், போலீஸாா் வழக்குப் பதிவு செய்து, சந்தேகத்தின்பேரில், பேருந்தில் நா்மதாவின் இருக்கைக்கு முன் இருக்கையில் அமா்ந்து பயணித்த கரூரைச் சோ்ந்த சிங்காரம் (60) என்பவரைப் பிடித்து விசாரித்தனா்.

அதில், சிங்காரம்தான் நா்மதாவின் பணம், நகை இருந்த பையை திருடியது என்பது தெரியவந்தது. இதையடுத்து போலீஸாா் சிங்காரத்தை வியாழக்கிழமை கைது செய்து, திருடப்பட்ட பொருள்களை மீட்டனா்.