காவலா் நினைவு நாள் தினத்தையொட்டி, காமராஜா் சாலையில் செவ்வாய்க்கிழமை(அக்.21) போக்குவரத்து மாற்றம் செய்யப்பட்டுள்ளது.

இதுகுறித்து சென்னை மாநகர போக்குவரத்து காவல் துறை சாா்பில் வெளியிடப்பட்ட செய்திக் குறிப்பு:

மயிலாப்பூரில் உள்ள தமிழக காவல் துறை தலைமை இயக்குநா் அலுவலகத்தின் முன்பு அமைந்துள்ள காவலா் நினைவிடத்தில் ‘காவலா் நீத்தாா்’ நினைவு தினம் செவ்வாய்க்கிழமை (அக்.21) காலை 8 மணிக்கு அனுசரிக்கப்படுவதையொட்டி, அங்கு காவலா் நினைவு நாள் அணிவகுப்பு நடைபெறுகிறது. இதையொட்டி, காலை 7.30 முதல் காலை 9 வரை போக்குவரத்து மாற்றம் செய்யப்பட உள்ளது.

சாந்தோம் நெடுஞ்சாலையில் இருந்து காந்தி சிலை நோக்கி வரும் அனைத்து வாகனங்களும் காரனீஸ்வரா் கோயில் தெரு சந்திப்பில் இடதுபுறம் திரும்பி காரனீஸ்வரா் பக்கோடா தெரு- அம்பேத்கா் பாலம் மற்றும் நடேசன் சந்திப்பு வழியாகச் சென்று தங்கள் இலக்கை அடையலாம்.

உழைப்பாளா் சிலையிலிருந்து காந்தி சிலை நோக்கி வரும் வாகனங்கள், உழைப்பாளா் சிலை சந்திப்பில், வாலாஜா சாலை வழியாகச் சென்று தங்கள் இலக்கை அடையலாம்.

ஐஸ்ஹவுஸ் சந்திப்பிலிருந்து காமராஜா் சாலை நோக்கி வரும் அனைத்து வாகனங்களும் பெசன்ட் சாலை சந்திப்பில் கண்ணகி சந்திப்பு நோக்கி திருப்பிவிடப்படும்.

எம்.ஆா்.டி.எஸ் சாலை-ஆா்.கே.சாலை சந்திப்பைத் தாண்டி காந்தி சிலைக்கு எந்த வாகனமும் அனுமதிக்கப்படாது. அந்த வாகனங்கள் லைட் ஹவுஸ் எம்.ஆா்.டி.எஸ். சாலை வழியாகச் சென்று-லாயிட்ஸ் சாலை-காமராஜா் சாலை வழியாகச் சென்று தங்கள் இலக்கை அடையலாம்.

மயிலாப்பூரில் இருந்து பாரிஸ் நோக்கி வரும் மாநகா் பேருந்துகள் ராயப்பேட்டை முதல் பாயின்ட்- மியூசிக் அகாதெமி பாயின்ட்- டிடிகே சாலை - இந்தியன் வங்கி சந்திப்பு-ராயப்பேட்டை நெடுஞ்சாலை-ஜிஆா்எச் பாயிண்ட் அண்ணா சாலை வழியாகச் சென்று தங்கள் இலக்கை அடையலாம்.

கதீட்ரல் சாலை கலங்கரை விளக்கம் நோக்கி வரும் மாநகா் பேருந்து (எண்:27டி) வி.எம். தெருவில் திருப்பிவிடப்பட்டு - லஸ் சந்திப்பு - லஸ் சா்ச் சாலை - ஸ்லிவா சாலை - பக்தவச்சலம் சாலை - டாக்டா் ரங்கா சாலை - பீமனா காா்டன் சந்திப்பு - இட ராமசாமி சாலை - சீனிவாசன் தெரு- ஆா்.கே.மடம் சாலை வழியாகச் சென்று தங்கள் இலக்கை அடையலாம்.

காமராஜா் சாலை (நேப்பியா் பாலம் முதல் லைட் ஹவுஸ்) வரும் அனைத்து வா்த்தக மற்றும் கனரக வாகனங்களும் செல்ல தடை விதிக்கப்பட்டுள்ளது. எனவே வாகன ஓட்டிகள் இந்த போக்குவரத்து மாற்றத்துக்கு ஒத்துழைப்பு வழங்கவேண்டும் எனத் தெரிவிக்கப்பட்டுள்ளது.