அதிமுக நிா்வாகி தூக்கிட்டு தற்கொலைக்கு முயற்சி: போலீஸாா் விசாரணை
சென்னையில்அதிமுக நிா்வாகி தூக்கிட்டு தற்கொலைக்கு முயன்றாா். இது குறித்து போலீஸாா் விசாரணை நடத்தி வருகின்றனா்.
சென்னையில்அதிமுக நிா்வாகி தூக்கிட்டு தற்கொலைக்கு முயன்றாா். இது குறித்து போலீஸாா் விசாரணை நடத்தி வருகின்றனா்.
சென்னை சூளை, தட்டாங்குளம் பகுதியை சோ்ந்தவா் துரைராஜ்(70). அதிமுகவின் எழும்பூா் தொகுதியின் வடக்குப் பகுதி செயலராக உள்ளாா். தொகுதியில் தோ்தல் பணிகளை கவனித்து வந்த துரைராஜ் தனது வீட்டில், ஞாயிற்றுக்கிழமை அதிகாலை தூக்கிட்டு தற்கொலைக்கு முயன்றுள்ளாா். குடும்பத்தினா் அவரை மீட்டு ராஜீவ்காந்தி அரசு மருத்துவமனையில் சிகிச்சைக்காக சோ்த்தனா்.
இதுகுறித்து புளியந்தோப்பு போலீஸாா் நடத்திய விசாரணையில், சனிக்கிழமை மாலை வேப்பேரி அங்காளம்மன் கோயில் அருகே நடைபெற்ற தோ்தல் பிரசார கூட்டத்தில் போதிய ஆட்கள் இல்லாததால், வடசென்னை மேற்கு மாவட்டச் செயலா் பாலகங்கா என்பவா் பொதுமக்கள் மத்தியில் துரைராஜை, முதிா்ந்த வயதுடையவா் என்றும் பாராமல், தகாத வாா்த்தைகளால் திட்டினாராம். இதனால், ஏற்பட்ட மன உளைச்சலால் அவா் தூக்கிட்டு தற்கொலைக்கு முயன்றது தெரியவந்தது. இதுகுறித்து போலீஸாா் தொடா் விசாரணை நடத்தி வருகின்றனா்.
Advertisement
இளைஞரை கடத்தி தாக்கிய வழக்கு- 4 போ் கைது: கடலூா் மாவட்டம் ஸ்ரீமுஷ்ணம் பகுதியைச் சோ்ந்தவா் சசிகுமாா் (19). கோயம்பேடு சந்தையில் தங்கி வேலை செய்து வருகிறாா். சமூக வலைதளத்தில் சசிகுமாருடன் கிழக்கு தாம்பரம் வினோபா நகரைச் சோ்ந்த ரித்திகா(21) என்ற இளம்பெண் பழகினாா். அப்போது, அந்த பெண் சசிகுமாரிடமிருந்து ரூ.1.87 லட்சம் வரை பெற்றுள்ளாா்.
இதனிடையே இளம்பெண்ணின் நடவடிக்கை பிடிக்காத சசிகுமாா், அவரை விட்டு விலகியுள்ளாா். பின்னா், தன்னிடம் இருந்து வாங்கிய பணத்தையும் அந்த இளம்பெண்ணிடம் கேட்டு வந்துள்ளாா். இதனால், ஆத்திரம் அடைந்த அந்த இளம்பெண் கோயம்பேடு பேருந்து நிலையம் வந்து பணத்தை பெற்றுச் செல்லும் படி கூறவே, சசிகுமாா் வந்துள்ளாா்.
அங்கிருந்த அந்த மாணவியின் கூட்டாளிகள், சசிகுமாரை காரில் தாம்பரத்துக்கு கடத்திச் சென்றனா். அங்குள்ள வனப்பகுதியில் கொண்டு சென்று அடித்து உதைத்துள்ளனா். இதில் பலத்த காயம் அடைந்த அவா் கீழ்ப்பாக்கம் மருத்துவமனையில் அனுமதிக்கப்பட்டுள்ளாா். இந்த சம்பவம் தொடா்பாக கோயம்பேடு போலீஸாா் வழக்குப்பதிவு செய்து விசாரணை நடத்தி தலைமறைவாக இருந்த ரித்திகா (எ) ரித்து, மேற்கு தாம்பரம் நித்தியானந்தா நகரைச் சோ்ந்த சஞ்சய்(22), சேலையூா் மப்பேடு பகுதியை சோ்ந்த தா்ஷினி(19),மேற்கு தாம்பரம் தெய்வநகா் பகுதியைச் சோ்ந்த மோட்டு (எ) சரவணன்(20) ஆகிய 4 பேரையும் சனிக்கிழமை இரவு கைது செய்தனா்.
கல்லூரி மாணவி தற்கொலை: சென்னை கேகே நகா் பகுதியைச் சோ்ந்தவா் லேகாஸ்ரீ(17). கானத்தூரில் உள்ள தனியாா் கல்லூரியில் முதலாம் ஆண்டு படித்து வந்த இவா், சனிக்கிழமை மதியம் வீட்டின் முதல் மாடிக்குச் சென்று கதவைப் பூட்டி விட்டு தூக்கிட்டுள்ளாா். கதவை உடைத்து அவரை மீட்ட பெற்றோா், கீழ்ப்பாக்கம் அரசு மருத்துமனைக்கு சிகிச்சைக்காக கொண்டு சென்றனா். அங்கு அவரை பரிசோதித்த மருத்துவா்கள், லேகாஸ்ரீ ஏற்கனவே உயிரிழந்து விட்டதாக தகவல் தெரிவித்துள்ளனா்.
இதுகுறித்த போலீஸ் விசாரணையில், தனது காதலிக்கு விலை உயா்ந்த கைப்பேசி வாங்கி கொடுப்பதற்காக, லேகாஸ்ரீயிடமிருந்து உடன் படிக்கும் சூா்யா என்ற மாணவா் நான்கரை பவுன் நகையை வாங்கியுள்ளாராம். அதை திருப்பிக் கொடுக்காமல் காலம் தாழ்த்தி வந்ததால், லேகாஸ்ரீ மன அழுத்தத்தில் இருந்து வந்துள்ளாராம். இதுகுறித்து தனது தந்தையிடம் ஏற்கெனவே தகவல் தெரிவித்திருந்த நிலையில், அவா் திடீரென தூக்கிட்டு தற்கொலை செய்து கொண்டுள்ளாா். இதுகுறித்து போலீஸாா் தொடா் விசாரணை நடத்தி வருகின்றனா்.
அரசுப் பேருந்து கண்ணாடி உடைப்பு: சென்னை கோயம்பேடு பேருந்து நிலையத்திலிருந்து அண்ணாசதுக்கம் நோக்கி ஞாயிற்றுக்கிழமை மாலையில் ‘27 பி’ என்ற எண் கொண்ட பேருந்து சென்று கொண்டிருந்தது. கோயம்பேடு 100 அடி சாலை தேமுதிக தலைமை அலுவலக பேருந்து நிறுத்தத்தில் வந்து நின்ற அந்த பேருந்து மீது, அங்கு இருசக்கர வாகனத்தில் வந்த 3 இளைஞா்கள் கற்களை வீசி விட்டு தப்பினா். இதில் பேருந்தின் முன்பக்கக் கண்ணாடிகள் உடைந்து நொறுங்கின. இந்த சம்பவம் குறித்து மாநகா் பேருந்தின் ஓட்டுநா் முருகன்(47), நடத்துநா் பாஸ்கரன்(55) ஆகியோா் கோயம்பேடு காவல்நிலையத்தில் கொடுத்த புகாரின் அடிப்படையில் போலீஸாா் விசாரணை நடத்தி அந்த மூவரையும் தேடி வருகின்றனா்.
பெண்ணிடம் நகை பறித்த இளைஞா் கைது: சென்னை, மடிப்பாக்கம் பாலையா காா்டன் பகுதியை சோ்ந்தவா் ஜெயஸ்ரீ(61). இவா் வீட்டின் அருகே திலகா் அவென்யூ 1-ஆவது பிரதான சாலையில் தனது மருமகளுடன் நடந்து சென்று கொண்டிருந்தாா். அப்போது, அவரை பின் தொடா்ந்து சென்ற நபா், ஜெயஸ்ரீயின் அணிந்திருந்த சுமாா் 14 கிராம் தங்கச் சங்கிலியை பறித்துக்கொண்டு தப்பியோடினாா்.
இதுகுறித்து மடிப்பாக்கம் காவல்நிலையத்தில் ஜெயஸ்ரீ கொடுத்த புகாரின் அடிப்படையில் போலீஸாா் வழக்குப்பதிவு செய்து, தலைமறைவாக இருந்த மடிப்பாக்கம் பஜாா் பிரதான சாலையை சோ்ந்த தமிழ்வாணன் (23) என்பவரை சனிக்கிழமை இரவு கைது செய்து தங்கச் சங்கிலியை மீட்டனா்.