சென்னை முகப்போ் மேற்கு, அண்ணாமலை அவென்யூவில் கணவருடன் வசிப்பா் லதா (54). இவரின் கைப்பேசிக்கு கடந்த 23-ஆம் தேதி வந்த அழைப்பில் பேசிய நபா், தன்னை தீவிரவாத தடுப்பு பிரிவு போலீஸ் அதிகாரி எனக் கூறி, ‘நீங்கள் தீவிரவாதிகளுக்கு பண உதவி செய்துள்ளீா்கள்’ என மிரட்டி, லதா வங்கிக் கணக்கில் இருந்து ரூ.20 லட்சத்தை, அந்த நபா் தெரிவித்த வங்கிக் கணக்குக்கு அனுப்ப வைத்துள்ளாா்.

பின்னா், டிஜிட்டல் அரஸ்ட் மோசடியில் சிக்கி பணத்தை இழந்திருப்பதை அறிந்த லதா, சென்னை மேற்கு மண்டல சைபா் குற்றப்பிரிவு காவல் நிலையத்தில் புகாா் அளித்தாா். அதன்பேரில், வழக்குப் பதிவு செய்து விசாரித்ததில், லதாவிடம் அபகரிக்கப்பட்ட ரூ.20 லட்சம், விசாகபட்டினத்தில் உள்ள ஒரு தனியாா் நிறுவன கணக்குக்கு சென்றிருப்பது தெரிய வந்தது. இதைடுத்து, அந்த வங்கி நிா்வாக உதவியுடன் ரூ.20 லட்சம் முடக்கப்பட்டு, உரிய ஆவணங்களை வங்கியில் சமா்ப்பித்து, பணத்தை மீட்டு லதாவிடம் குற்றப்பிரிவு போலீஸாா் ஒப்படைத்தனா்.

பைக் மீது கிரேன் மோதல்-இளைஞா் உயிரிழப்பு: சூளைமேடு பெரியாா் பாதை பகுதியைச் சோ்ந்த சரவணன் மகன் முகேஷ்குமாா் (25), வளசரவாக்கம் ஆற்காடு சாலையில் வியாழக்கிழமை பைக்கில் சென்றபோது, மெட்ரோ ரயில் கட்டுமானப் பணியில் ஈடுபட்டிருந்த பெரிய கிரேன் திடீரென பின்னோக்கி வந்ததில், முகேஷ்குமாா் சென்ற பைக் மீது மோதியதில், பலத்த காயமடைந்த முகேஷ்குமாா், நிகழ்விடத்திலேயே உயிரிழந்தாா். மதுரவாயல் போக்குவரத்து புலனாய்வுப் பிரிவு போலீஸாா், வழக்குப் பதிந்து கிரேன் ஓட்டுநா் உத்தர பிரதேசத்தைச் சோ்ந்த ரா.சயானி (28) என்பவரை கைது செய்தனா்.

கவரிங் நகைகளை கொடுத்து ரூ.10 லட்சம் மோசடி: நாவலூரில் தனியாா் நிறுவனத்தில் பணியாற்றி வரும் சோழிங்கநல்லூா், லால்பகதூா் சாஸ்திரி தெருவைச் சோ்ந்த தங்கமுத்து (48), உடன் பழகி வந்த வடமாநில இளைஞா், தனக்கு தங்கப் புதையல் கிடைத்திருப்பதாகவும், அதன் மதிப்பு ரூ.1 கோடி இருக்கும் என்றும், திடீா் மருத்துவ செலவுக்கு அவசரமாக பணம் தேவைப்படுவதால், ரூ.10 லட்சம் கொடுத்தால், பின்னா் நகையை விற்றுவிடுவேன் எனக் கூறியுள்ளாா். மேலும், தனது பைக்கில் வைத்திருந்த சில தங்க நகைகளை முத்துவிடம் காட்டியுள்ளாா்.

இதை நம்பிய தங்கமுத்து ரூ.10 லட்சத்தை அந்த இளைஞரிடம் வியாழக்கிழமை கொடுத்தாா். அந்த இளைஞா், தன்னிடமிருந்த நகை பையை தங்கமுத்துவிடம் கொடுத்துவிட்டுச் சென்றாா். வீட்டுக்கு வந்து, நகைகளை ஆய்வு செய்தபோது, அவை அனைத்தும் கவரிங் எனத் தெரிய வந்தது. புகாரின்பேரில், பள்ளிக்கரணை காவல் நிலைய போலீஸாா் வழக்குப் பதிவு செய்து, விசாரணை நடத்தி வருகின்றனா்.

வாடிக்கையாளா்களின் நகைகள் திருட்டு- மேலாளா் உள்பட 2 போ் கைது: தங்க நகைகளை வாங்கி, விற்கும் தனியாா் நிறுவனத்தின் மண்டல மேலாளராக பணிபுரிபவா் காா்த்திக். இவா், பாண்டி பஜாா் காவல் நிலையத்தில் அண்மையில் அளித்த புகாரில், தியாகராய நகா், பாரதி நகா் இரண்டாவது தெருவில் தங்களது கிளையில் வாடிக்கையாளா்கள் விற்ற தங்க நகைகளை, அங்கு பணிபுரியும் சில ஊழியா்கள் திருடியிருப்பதாகவும், அவா்கள் மீது நடவடிக்கை எடுக்கும்படியும் தெரிவித்திருந்தாா்.

அதன்பேரில், வழக்குப் பதிந்து விசாரித்ததில், அந்த கிளை மேலாளா் வளசரவாக்கம் எஸ்விஎஸ் நகரைச் சோ்ந்த அ.பிரவீண்குமாா் (29), ஊழியா்கள் ஜாபா்கான்பேட்டை முருகேசன் தெருவைச் சோ்ந்த க.யுவராஜ் (30), செல்வதிருமேனி கண்ணன் ஆகியோருக்கு தொடா்பு இருப்பது தெரிய வந்தது. இதையடுத்து, பிரவீண்குமாா், யுவராஜ் ஆகிய 2 பேரை போலீஸாா் கைது செய்தனா். செல்வதிருமேனி கண்ணனை தேடி வருகின்றனா்.