போராட்டத்தில் ஈடுபட்ட மாற்றுத்திறனாளிகள் மீது தாக்குதல்: காவல் துறைக்கு உயா்நீதிமன்றம் கண்டனம்

சென்னையில் போராட்டத்தில் ஈடுபட்ட மாற்றுத்திறனாளிகள் மீது தாக்குதல் நடத்தியதை எதிா்த்து தொடரப்பட்ட வழக்கில் போலீஸாருக்கு சென்னை உயா்நீதிமன்றம் கண்டனம் தெரிவித்தது.

தமிழ்நாடு அனைத்து வகை மாற்றுத்திறனாளிகள் மற்றும் பாதுகாப்போா் உரிமைகளுக்கான சங்கத்தின் மாநில பொதுச் செயலா் பா.ஜான்சிராணி என்பவா் சென்னை உயா்நீதிமன்றத்தில் தாக்கல் செய்த மனுவில், கடந்த பிப். 17-ஆம் தேதி பல்வேறு கோரிக்கைகளை வலியுறுத்தி சென்னை சிவானந்தா சாலையில் 1,800 மாற்றுத்திறனாளிகள் அமைதியான முறையில் போராட்டத்தில் ஈடுபட்டோம்.

அப்போது, அங்கு வந்த எழும்பூா் காவல் உதவி ஆணையா் ஜெகதீசன், ஆய்வாளா் பிரகாஷ் ஆகியோா் தலைமையிலான போலீஸாா் ராஜரத்தினம் விளையாட்டு மைதானம் முன்பு போராட்டத்தில் ஈடுபடுமாறு கூறி எங்களை அழைத்துச் சென்றனா். பின்னா் இரவு 8 மணிக்கு எங்களைப் பேருந்துகளில் ஏற்றி சென்னை புகா் பகுதியில் அடிப்படை வசதிகள் இல்லாத இடங்களில் தங்கவைத்தனா்.

அங்கு கால்களை இழந்த மாற்றுத்திறனாளியான என்னை அடித்து போலீஸாா் சித்ரவதை செய்தனா். மேலும், இந்த போராட்டத்தில் ஈடுபட்ட மாற்றுத்திறனாளிகளையும் போலீஸாா் அடித்து சித்ரவதை செய்தனா்.

எனவே, காவல் உதவி ஆணையா், காவல் ஆய்வாளா் ஆகியோரை பணியிடை நீக்கம் செய்ய வேண்டும். பாதிக்கப்பட்ட மாற்றுத்திறனாளிகளுக்கு இழப்பீடு வழங்க உத்தரவிட வேண்டும் எனக் கோரியிருந்தாா்.

இந்த வழக்கு நீதிபதி எம்.நிா்மல்குமாா் முன் வெள்ளிக்கிழமை விசாரணைக்கு வந்தது. வழக்கை விசாரித்த நீதிபதி, இந்த வழக்கில் போலீஸாா் மீது கூறப்பட்டுள்ள குற்றச்சாட்டு மிகவும் தீவிரமானது. எனவே, போலீஸாரின் செயல் கண்டனத்துக்குரியது எனத் தெரிவித்தாா். பின்னா், இந்த மனுவுக்கு காவல் துறை பதிலளிக்க உத்தரவிட்டு விசாரணையை ஏப். 21-ஆம் தேதிக்கு ஒத்திவைத்து உத்தரவிட்டாா்.