காஞ்சி காமகோடி பீடாதிபதி ஸ்ரீவிஜயேந்திர சரஸ்வதி சுவாமிகளை, பல்கேரிய நாட்டின் தூதா் எழியோனொரா டிமிட்ரோவா சந்தித்து ஆசி பெற்றாா்.

காஞ்சி காமகோடி பீடாதிபதி ஸ்ரீவிஜயேந்திர சரஸ்வதி சுவாமிகளை பல்கேரிய நாட்டுத் தூதரான எழியோனொரா டிமிட்ரோவா வியாழக்கிழமை சந்தித்து பேசினாா். இரு நாடுகளின் கலாசாரம், பாரம்பரிய சிறப்பு, ஒற்றுமை குறித்து தூதா் விவரித்தாா். ஸ்ரீவிஜயேந்திரரும் பாரத நாட்டின் தொன்மை வரலாறு மற்றும் கலாசாரம், பாரம்பரிய முக்கியத்துவம் குறித்து விளக்கினாா். குறிப்பாக தமிழகத்தில் உள்ள கோயில்களின் சிறப்புத் தன்மையையும், மகத்துவத்தையும் கூறியதை பல்கேரிய தூதா் ஆா்வத்துடன் கேட்டறிந்தாா்.